Año 2022​pica más de 2.24 billones de dolarcunata mundo enteropi gobiernocunaca armacunapi gashtarca. Chai tucui culquitaca Ucrania llactata Rusia llacta atacashcamandami shina gashtashca yarin. Abril de  2023​pi, Instituto Internacional de Estudios para la Paz de Estocolmopi (SIPRI) nishca shinaca, año 2022​pica cashnami pasashca nin:

•   “Guerra Fría tiashca tiempomandaca año 2022​pimi shuj 13 por ciento masta Europa enteropica armacunapi gashtashca”.

•   ‘Rusia llactaca chaishuj huatacunahuan ricujpica año 2022​pimi shuj 9.2 por cientota ashtahuan armacunapi gashtarca. Shinami armacunapi gashtaj llactacunamandaca ñana quinto lugarpi can sino tercer lugarpi can’.

•   Mundo enteropica Estados Unidosmi armacunapica ashtahuan gashtan. Mundo enteropi gashtocunahuan ricujpica, solo Estados Unidosllami 39 por cientota armacunapi gashtan”.

 Instituto Internacional de Estudios para la Paz nishcapi apoyaj Nan Tian shuti doctorca ninmi: “Cai último huatacunapica armacunapimi ashtahuan ashtahuan culquita gashtashca. Chaicunata ricushpami cai mundopi causanaca ashtahuan ashtahuan peligroso tucushpa catijujta ricupanchi”.

 Bibliapica cunan punllacunapi jatun llactacuna problemacunapi canatami villajurca. Shinallata imashina ciertopacha seguro causai ushanatapashmi Bibliapica villajurca.

•   Bibliapica cunan ñucanchicuna causanajuj punllacunataca ‘tucurimui punllacuna’ ninmi (Daniel 8:19).

•   Libro de Danielpica, cunan punllacunapi jatun llactacuna macanajunatami nijurca. Chai jatun llactacunaca shuj llactacunata dominangapaj munashpami paicunapura ‘macanajuicunapi’ canga ninmi. Chai macanajuicunapimi chai jatun llactacunaca ashtaca culquita gashtanga nin (Daniel 11:40, 42, 43).

 Chai profeciamanda ashtahuan yachangapaj munashpaca, Daniel capítulo 11​pi parlashca profeciacunaca pactarijunmi nishca videota ricupangui.

•   Bibliapica, Taita Diosmi gente gobiernocunata tucuchishpa ‘ima horapash na tucuchi tucuna [gobiernota] churanga’ nin. Shinallata ‘chai [gobiernotaca] na shuj llacta runacunaman cungachu. Chai [gobiernoca] cai tucuilla mandana llactacunatami ñutushpa tucuchinga. Ashtahuangarin paica, causaita causaicaman mandajungallami’ ninmi (Daniel 2:44).

•   Ñallami Jehová a Diosca gente gobiernocuna imata na rurai ushashcata rurashpa ñucanchimanga para siempre tranquilo, en paz causaiguta cunga. Chaipaca, jahua cielomanda mandashpami paipa Gobiernoca tucuilla armacunata y nali ruraicunatapash tucuchinga (Salmo 46:8, 9).

 Taita Diospa Gobierno imacunatalla ruranata yachangapaj munashpaca “Diospa Reinoca casilla ali causaigutami apamunga” temata ricupangui.