“Climapi cambiocunaca gentecunata, llactacunata, animalcunata, plantacunatami ninanda llaquichijun. Shinallata clima cambiarijuimandami ninanda tamiashpa huasicunata, causangapaj minishtirishca cosascunatapash mundo enteropi tucuchijun. Mar yacucuna yapata cunujyajujpimi, chaipi causaj ashtaca animalgunamandaca huaquinguna chingarijun” (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 de julio de 2023).

 Gobiernocunaca tucuicuna tandanajushpa mundo enteropi cai problemacunata tucuchingapaj ¿imatapash rurai ushangacha? ¿Ciertopachacha ayudai ushanga?

 Bibliapica cai alpapi problemacunata shuj gobierno tucuchi ushashcata, shinallata cai problemacunata tucuchingapaj munashcatami parlan. Shinallata, ‘jahua pachapi causajuj Taita Diosca, ima horapash na tucuchi tucuna mandanata’ o gobiernota cai alpata mandachun churanatami parlan (Daniel 2:44). Chai gobierno mandajujpica, gentecunaca cai alpatapash, paicunapurapash “ima nalitapash, ima llaquitapash na ruranajungachu” (Isaías 11:9).