Mundo enteropi ashtaca gentecunaca causangapaj minishtirishca culquigutaca na charita ushanajunllu. Tiempo yalijpicarin minishtirishca culquita charinaca ashtahuan ashtahuan dificilmi tucujun.

•   Mundo enteromanda gentecuna imashina causanajushcata villaj shuj reportepica a: “Gentecunaca paicunapa ganashca culquiguhuanga cada vez menos cosascunatami randita ushanajun” ninmi. Shinallata imapash cambiocuna na tiajpica “charijcunahuan ricujpica pobrecunaca ashtahuan pobrellami tucunga” y “ashtaca familiacunaca minishtirishca cosascunataca menostami charita ushanga” ninmi.

 Gobiernocunaca ¿culquimanda jatun problemacunataca tucuchita ushangacha? Gentecunapa causaitaca ¿ashagutallapash mejoraita ushangacha?

 Bibliapica culquimanda tucui problemacunata shuj gobierno tucuchinata, shinallata pobrella gentecuna ama tiachun chai gobierno ayudanata ricuchingapaca cashnami nin: ‘Taita Diosca shuj mandana llactatami churanga’ nishpa (Daniel 2:44). Chai mandana llacta o chai Gobierno cai alpata mandajujpica pipash na jichui tucungachu (Salmo 9:18). Shinallata chai tiempopica cushilla causangapaca tucui minishtirishca cosasgucunatami charipashun. Ashtahuanbash tucuicunallatami shinllita trabajashcamanda ciertopacha beneficiaripashun (Isaías 65:21, 22).