Julio de 2022​pica mundo enteropimi armacunahuan disparajtaca cutin cutin uyapashcanchi:

•   10 de Julio de 2022​taca shuj periodicopica nircami: “Japón llactapi famoso político Shinzo Abe shuti ex Primer Ministrotami huañuchirca. Chaimi chaipi gentecunapash y mundo enteropi gentecunapash manllarishpa uyarca. Porque chai llactapica na yapa delincuentecuna tianllu, armacunata gentecuna ama charichunbash ashtaca leycunami tian” (The Japon Times periódico).

•   4 de Julio de 2022​taca shuj periodicopica nircami: “Dinamarca llactapimi shuj jarica Copenhagen nishca centro comercialpi disparai callarishpa quimsa genteta huañuchirca” (Reuter periódico).

•   10 de Julio de 2022​taca shuj periodicopica nircami: “Sudáfrica llactapica huaquin jaricunami Soweto shuti pushtupi shuj barpica, 15 gentecunata disparashpa huañuchirca (The Guardian periódico).

•   5 de Julio de 2022​taca shuj periodicopica nircami: “Estados Unidospica 4 de Julio fiestamandami chai fin de semanaca más de 220 personacuna disparai tucushpa huañurca” (CBS News periódico).

 ¿Ima punllapash chashna llaquicunaca tucuringacha? Bibliapica ¿imatata nin?

 Bibliapica cai tiempocunataca ‘último punllacuna’ ninmi. Cai tiempopi gentecunaca na controlarinata yachajcuna, millai millaicunami can (2 Timoteo 3:1, 3). Cashnacunata ricuimandami gentecunaca manllashpalla causan (Lucas 21:11). Shinapash Bibliapica tucui nali ruraicunaca ñallami tucuringa ninmi. Shinallata ‘gentecunaca [tranquilo] aligutami causanajunga. Ima llaquipash illa, cushilla samana huasicunapimi causanajunga’ ninmi (Isaías 32:18). Nali ruraicunaca ¿imahorata tucuringa?

 Taita Diosmi tucuilla nali gentecunata y armacunatapash tucuchinga

•   “Nalita rurajcunaca, cai alpamanda anchuchi tucungami” (Proverbios 2:22, Traducción del Nuevo Mundo).

•   Taita Diosca cai muyundi alpapi ‘jatun macanajuicuna tiajtapash saquichinllami. Arcota, lanzata faquishpami, carretacunatapash ninapi rupachin’ (Salmo 46:9).

 Taita Diosca tranquilo, ali causanata yachachishpami nali ruraicunataca tucuchinga

•   “Ñucapajlla shicanyachishca tucui urcupica, ima nalitapash, ima llaquitapash na ruranajungachu. Imashnami mama cuchaca yacu jundashca tiajun, chashnallatami tucui cai pachaca, Mandaj Diosta rijsina yuyaihuan junda canga” (Isaías 11:9).

•   Taita Diosca cunanbipashmi mundo enteropi gentecunataca ama millai millaicuna cachun, ama armacunata utilizachun y ‘espadacunataca azadongunaman’ tigrachichun y ‘lanzacunatapash hocescunaman tigrachichun’ yachachijun (Miqueas 4:3).

 Bibliapica mundo enteropi na manllashpa causaigu tianatami yachachijun. Ashtahuan yachajungapaj munashpaca “Na manllashpa causachunga ¿imata ayudaita ushan?” temata ricupangui.

 Nali ruraicuna para siempre tucurinata yachangapaca “Cai alpapica ali causaimi tianga” temata ricupangui.