Naciones Unidas nishca organizacionga caicunatami villan:

•   2023 huatapi 7 de octubremanda 23 de octubrecamanga Israel llactahuan y Gaza pushtuhuan guerra tiashcamandami 6 mil 400 yali gentecunaca huañushca. Shinallata 15 mil 200 gentecunami chugrishca quidashca. Chai gentecunamanda mayoriaca na militarcunachu carca. Ashtahuangarin ashtaca ashtaca gentecunaca paicunapa huasimanda llujshishpa shuj ladocunamanmi rina tucushca.

•   24 de septiembre de 2023​camanga Rusia llactahuan y Ucrania llactahuan guerra tiashcamandami Ucrania llactapica 9 mil 701 gentecunaca huañushca. Shinallata 17 mil 748 gentecunami herido quidashca.

 Guerra tiashcamanda sufrinajuj gentecunapaca Bibliapica ¿ima esperanzata tian?

 Bibliapica Taita Diosmi ‘cai pacha tucui manñacunacaman jatun macanajuicuna tiajtapash saquichinga’ nijunmi (Salmo 46:9). Paica cai alpapi tucui gobiernocunata anchuchishpami paipa Gobiernota churanga (Daniel 2:44). Taita Diospa Gobiernoca nali cosascunata tucuchishpami gulpi gentecunaman tranquilo causaiguta caranga.

 Shinallata Jesús Diospa Gobiernopi rey cashcamanda imata ruragrijujta ricupashun:

•   “Imagupash illajcuna caparishpa mañajpica, paimi cacharichinga. Pi ayudajta na charishpa llaquilla causajcunatapashmi ayudanga. Imagupash illajtapash, imagutapash na charitapash llaquingami. Imagutapash na charicunapaj causaitaca quishpichingami. Paicunapaj almataca, umachi tucunamandapash, ninandapacha llaquichi tucujujmandapash llujchingami” (Salmo 72:12-14).

 Gentecunaca guerracuna, nali ruraicuna tiashcamandaca llaquinaitami sufrinajushca. Shinapash Taita Diosca paipa Gobiernohuanmi chai tucui llaquicunataca tucuchinga.

•   “Paimi gentecunapa ñavimandaca tucuilla viquita fichachinga. Huañuipash nunca más ñana tiangachu. Ima llaquipash, huacaipash, ima nanaipash nunca más ñana tiangachu. Ñucanchita sufrichishca cosascunaca ñami tucurishca” (Apocalipsis 21:4).

 Bibliapica “shuj shuj pushtucunapi guerracuna tiajtami uyanguichi” nishpami ña villashcarca (Mateo 24:6). Cai guerracuna y shuj cosascunapashmi cai alpapi gobiernocunapa ‘último punllacunapi’ causanajushcata ricuchin (2 Timoteo 3:1). Chaimandami Diospa Gobierno ñallapacha cai alpapi shuj mushuj, alipacha causaita cunata yachapanchi.