Domingo 20 de noviembre de 2022​pimi Conferencia de las Naciones Unidas sobre el Cambio Climático nishca tandanajuica tucurirca (COP27). Chai tandanajuiman rishca delegadocunaca cai cambio climaticomanda llaquichi tucunalla llactacunata ayudangapami culquita tandachingapaj de acuerdo quidarca. Chaita rurana ali cajpipash ashtacacunami del todo ayudaitaca na usharingachu nin.

•   19 de noviembre de 2022​pimi secretario general de las Naciones Unidaspi trabajaj António Guterresca cashna nirca: “Cai cambio climaticomanda llaquichi tucushca llactacunata ayudangapaj culquita tandachingapaca de acuerdomi cani […]. Shinapash ñucanchi mundo alpaca ninandami huaglishca […]. Chaimandami por completo ayudaitaca na usharinga” nircami.

•   Mary Robinson huarmica “cai mundopi climaca ashtahuan ashtahuanmi nali tucujun” ninmi (Paica ex presidenta de Irlanda y ex alta comisionada de la ONU para los Derechos Humanosmi can; 20 de noviembre de 2022).

 Cai mundo alpahuan ima pasanata na yachashpami jovengunaca ninanda preocuparin. ¿Imata yuyapangui? ¿Gobiernocuna tandanajushpaca cai cambio climaticota arreglaita ushangacha? Caimandaca Bibliapica ¿imatata nin?

 Cai mundopi climata controlangapaj gentecuna esforzarishpapash, Bibliapica gentecuna chaita ruraitaca na ushangachu ninmi. Imamanda shina nijta ishcai rasongunapi ricupashunchi:

•   “Vishtuyashcataca, na alichi usharinllu” (Eclesiastés 1:15).

   Caitami yachachijun. Taita Diosca gentecuna paicunapurallata gobernarichunga na rurashcachu. Chaimandami gentecunaca ali gobernaitaca na ushan (Jeremías 10:23). Chaimandami tucui gobiernocuna tandanajushpapash cai mundopi tiashca llaquicunataca na tucuchita ushanman.

•   ‘Gentecunaca paicunapilla pensarijcuna, culquitapash ninanda juyajcuna, […] de acuerdo cangapapash na munajcunami canga’ (2 Timoteo 3:2, 3).

   Caitami yachachijun. Bibliapica paicunapilla pensarij gentecuna y na shujcunahuan trabajangapaj munaj gentecunami tianga nircami. ¿Nachu chai shimicunaca cunanbi pactarijun?

 Cai mundopi gobiernocunaca ashtaca promesacunatami rurashca, shinapash cai mundo alpahuan ima pasanataca na controlaita ushanllu. Chaimandami Taita Diosca cai mundo alpata gobernachunga Jesucristota ña agllashca. Jesusmanda parlashpaca Bibliapica cashnami nin:

•   “Mandanataca, paipaj maquipimi churashca. Paipaj shutica, cashnami canga: Manllarinayai, ali Yuyaita Cuj, tucui ushaita charij Taita Dios, causaita causajujlla Taita, casilla ali causanata caraj Mandaj shutimi canga” (Isaías 9:6).

 Jesusca jahua cielopimi Taita Diospa Gobiernopi Rey can (Mateo 6:10). Jesusca cai mundo alpata y gentecunata cuidangapami munan. Y chaipaca poderta y sabiduriatami charin (Salmo 72:12, 16). Jesús mandajujpimi Taita Diospa Gobiernoca “alpata huaglichinajujcunata” tucuchishpa cai alpataca arreglanga (Apocalipsis 11:18; Isaías 35:1, 7).

 Cai alpata huaglichijuj cambio climático imashina tucurinata yachangapaj munashpaca, “Cambio climaticomanda y jipa causaimandapash ¿imatata Bibliapica nin?” nishca temata ricupangui.