Ucrania llactapi guerra tiashcamanda, climapash cambiashpa catijuimandami mundo enteropica micunapash tucurishpa catijushca. Pobrella llactacunami ashtahuanbachaca afectai tucushca.

•   António Guterres jarica cashnami nin: “Problemacunamanda, climapash cambiajushcamanda, preciocunapash ninanda subijushcamandami micunaca tucurijun” ninmi (Secretario general de la ONU, 17 de julio de 2023).

•   “Huaquin estudiashca jaricunaca ninmi: ‘Rusia llactaca granocunata ñana exportangapaj munanllu. Chaimandami pobrella llactacunapi por ejemplo África del Norte y Medio Oriente llactacunapica micunaca ashtahuan tucurishpa catijun’ ninmi” (Atalayar.com, 23 de julio de 2023).

 Cunan punllacunapi micunahuan ima pasajushcata y jipa punllacunapi ima pasanata Bibliapi ima nijta ricupai.

•   Jesusca “gentecunaca paicunapurami macanajunga. Llactacunapash paicunapurami macanajunga. Ninan yarjaipashmi tianga” nircami (Mateo 24:7).

•   Apocalipsis libropica chuscu caballopi tiarishpa rinajujcunamandami parlan. Shuj caballopi tiarishca rijujca guerracunatami ricuchin. Cutin shujca yarjaitami ricuchin. Caicunaca shuj profeciami can. Cai profeciaca yarjai tiempo tianata y micunapa preciocunapash subishpa catinatami ricuchin. Apocalipsis 6:5, 6​pica cashnami nin: “Chaipimi shuj yana caballota ricurcani. Yana caballopi tiajujca shuj balanzatami charijurca. […] cashna nijujmi uyarirca: ‘Cazi kilo trigoca shuj denariomi valin. Cutin cazi quimsa kilo cebadaca shuj denariomi valin. Aceite de olivata y vinotapash na desperdicianachu cangui’ nijujmi uyarirca” ninmi.

 Bibliapi yarjai tiempo tianamanda parlashca profeciaca cunan punllacunapimi pactarijun. Cai tiempotami Bibliapica ‘último punllacuna’ nishpa rijsin (2 Timoteo 3:1). ‘Último punllacunamanda’ y Apocalipsis libropi parlashca chuscu caballopi tiarishpa rinajujcunamanda ashtahuan yachajungapaj munashpaca Huata 1914​pimi cai mundopi nali cosascunaca ashtahuan ricuri callarirca nishca videota ricupangui. Shinallata “Apocalipsis libropi chuscu caballopi tiarishcacunaca ¿imatata ricuchin?” nishca tematapash liipangui.

•   Micuna faltalla causajushpa imata ruranata yachachunmi Bibliapica alipacha consejocunata cun. “¿Imashinata ashalla culquiguhuan causaita ushanchi?” nishca tematapash ricupangui.

•   Bibliapica shuj ali causaigu tianatami yachachin. Bibliapica cai alpapi ashtaca micuna tianatami yachachin (Salmo 72:16). Bibliapa nishcacunapi imamanda confiai ushashcata yachajungapaca “Shamuj punllacunapica ali causaigutami charishun” nishca temata liipangui.