Ashtaca gentecunami cai 27 de eneropica Día Internacional en Memoria del Holocausto nishcata celebranga. Holocausto nishcaca 75 huatacuna huashamanmi pasarca. Chaipica ashtaca ashtaca gentecunatami huañuchirca. Shinapash quiquinga ¿imamandashi Taita Diosca ashtaca ashtaca gentecunata huañuchichun saquirca? nishpami talvez tapuripangui.

•   Bibliapi ima nijta yachangapaca “¿Imamandata Taita Diosca Holocausto nishca pasachun o judío gentecunata huañuchichun saquirca? Chai ama pasachunga ¿imamandashi Taita Diosca na jarcarca?” nishca temata liipangui.

  Holocausto nishca pasajpica judío gentecunami ninanda sufrirca. Y paicunapuramandaca ashtaca millón gentecunami yangamanda huañuchi tucurca. Shinallata shuj gentecunatapashmi ninanda llaquichishpa huañuchirca. Y chai gentecunapurapica testigo de Jehovacunatapashmi paicunapa crishcacunamandaca catiriashpa llaquichirca.

•   Caimanda ashtahuan yachajungapaj munashpaca “¿Qué les ocurrió a los testigos de Jehová durante el Holocausto?” nishca temata liipangui.

 Ashtaca gentecunami cashna jatun llaquicuna cutin pasanataca manllan. Pero Bibliapica cashna llaquicuna nunca más ñana tianatami yachachin.

•   “Cangunaman ñuca imatalla ruranata yarijushcataca, ñucami yachani. Casilla ali causaita caranatami yarijuni, llaquicunataca na cachashachu. Canguna shuyanajushcatami caragrini” ninmi Jehová Diosca (Jeremías 29:11). a

 Cai textopi shimicunaca Jehová Dios llaquicunata tucuchishpa, cai mundota arreglajpimi pactaringa. Taita Diosca ñallami cai juyailla ali causaiguta apamunga:

•   Nalicunata y shujcunata llaquichijcunataca Taita Diosca ñallami tucuchinga (Proverbios 2:22).

•   Llaqui apashca tucuilla gentecunamanmi shuj ali causaiguta caramunga (Apocalipsis 21:4).

•   Huañushcacunataca causachingami (Juan 5:28, 29).

 Bibliapica shuj ali causaigu tianatami yachachin. Chaicuna pactarinataca tucui shungumi confiaita ushapangui. Ali causaigu tianata imamanda confiai ushashcata yachangapaca quiquinllata Bibliamanda gratis yachajupachunmi invitapanchi.