Mundo enteropi llactacunaca política cosascunamandami separarishca can. Año 2022​pica shuj institutoca shuj encuestatami rurarca. Chaipica nircami: “19 llactacunamanda más del 60 por ciento gentecunami nirca que, paicunapa llactacunapi gentecunaca shuj shuj partido politicocunata apoyaimanda na de acuerdo can nishpa” (Pew Research Center).

 ¿Quiquinba llactapipash, política cosascunamandachu gentecunaca dividido can? ¿Imamandata shina pasan? ¿Imapash solución tianllu? Biblia imata nijta ricupashun.

 Bibliapica nircami, ‘último punllacunapi’ o sea cunan punllacunapi ashtaca gentecunaca, nimamanda na unido cangapaj munaj gentecunami canga.

•   Shinallata nircami: ‘Último punllacunapica shinlli, na aguantai ushanalla tiempocunami chayamunga. Porque gentecunaca paicunapilla pensarijcuna, na de acuerdo cangapaj munajcunami’ canga nishpa (2 Timoteo 3:1-3).

 Ashtaca gentecunami gobiernocuna aliguta mandai ushachun paicunataca apoyan. Pero shinapash, paicunapa esfuerzoca yangami cashca. Huaquin gentecunaca diferente ideacunatami charin. Chaimandami shuj gentecunahuan aliguta trabajaita, tandanajushpa problemacunata solucionaitapash na ushan. Bibliapi nishca shinaca cashnami pasajun:

•   ‘Runaca, paipa llaquipallatami caishuj runataca llaquichin’ (Eclesiastés 8:9).

 Shinapash Bibliapica shuj ali gobierno tianatami villajun. Chai gobiernomi cunan punllacunapi gentecunapa problemacunataca tucuchinga.

 Bibliapi nishca shinaca, Jesucristomi alipacha gobierno can. Jesusmi gentecuna tandanajushpa tranquilo ali causachunga, poderta y autoridadtapash charin. Lo que es más, Jesusca gentecunata ciertopacha ayudangapami munan.

•   ‘Pai mandajui punllacunapica alita rurajcunaca, sisanshnami canga. Casilla ali causaica ashtacapachami tianga’ (Salmo 72:7).

•   ‘Tucui llactacunapi causajcunami, paitaca sirvinajunga’ (Salmo 72:11).

 Jesusca alipacha gobiernomi can. Porque Jesusmi gentecunamandaca preocuparin, paicunata ayudangapaj munan y ashtahuanbachaca nali tratai tucushca gentecunatami ayudangapaj munan.

•   ‘Imagupash illajcuna caparishpa mañajpica, paimi cacharichinga. Pi ayudajta na charishpa llaquilla causajcunatapashmi ayudanga. Imaguta na charitapash llaquingami. Imagutapash na charijcunapa causaitaca quishpichingami. Paicunapa almataca, umachi tucunamandapash, ninandapacha llaquichijcunamandapash llujchingami’ (Salmo 72:12-14).

 Taita Diospa Gobiernomanda ashtahuan yachajuchunmi invitapanchi. Jesusmi chai gobiernopica mandajun. Chai Gobierno quiquinda imashina ayudajujta y quiquinbash chai Gobiernota imashina apoyanata yachajupai.

•   Taita Diospa Reinoca ¿imata can? videota ricupangui.

•   “Diospa Reinoca alimi mandanga” temata liipangui.