Chairallami mundo enteromanda cientificocuna, tecnologocunapash inteligencia artificialca ashtaca podertami charin nishca. Chai inteligencia artificialca alipachami can ninmi. Pero chaita nali utilizashpaca peligrosomi can ninmi.

•   4 de mayo de 2023​taca Estados Unidosmanda vicepresidenta Kamala Harrisca nircami: “Inteligencia artificialca cunanbica ashtaca poderta charij tecnologiami can. Gentecunapa causaitaca ashtacatami ayudaita ushana can. Pero gentecunapa seguridadta, paicunapa derechocunata, paicunapa causaipi privacidadtaca ashtahuan ashtahuanmi nalipa afectaita ushan. Shinallata, gobiernocunapash gentecunahuan ama intindirichun, paicunapura desconfiarichunmi ashtahuan ashtahuan afectan”.

•   9 de mayo de 2023​tami, alipacha doctorcunaca Dr Frederik Federspiel guiajpimi BMJ Global Healthpica a cashna nishpa escribirca: “Inteligencia artificialca ashtacatami gentecunapa saludpica ayudaita ushan. Aunque ayudashpapash huaquin cosascunapica nalipami gentecunapa saludtaca afectaita ushan, hasta emocionalmentepashmi afectaita ushan”.

•   1 de Mayo de 2023​taca The New York Timesca nircami: “Gentecunaca llulla informaciongunata cungapami, inteligencia artificialtaca ña utilizanajun yarin. Ñallami gentecunapa trabajotapash talvez quichunga. Huaquin tecnologocunaca, inteligencia artificialca ima punllaca mundo enteropi gentecunatami peligropi churanga nishpami preocuparin”.

 Tiempohuanmi yacharinga si inteligencia artificialtaca alipa o nalipa gentecuna utilizanata. Pero Bibliapica ¿imatata nin?

 Bibliapi nijunmi, imamandami gentecunaca avanzado tecnologiacunata rurashpapash na solo alipalla utilizai ushanata.

1.  1. Gentecunaca ayudana munaita charishpapash, paicunapa ruraicuna shujcunata nalipa afectanataca na yachai ushanllu.

   •   Proverbios 14:12​pica ninmi: ‘Runapa causaipica, ali ñanshnallami ricurin’. Pero ‘tucuripica, huañuiman apan’.

2.  2. Gentecunaca imatapash ruranllami. Pero chai rurashca cosascunata gentecuna alipa o nalipa utilizanataca na controlai ushanllu.

   •   Eclesiastés 2:18, 19​pica ninmi, ñuca trabajotaca ‘ñucapaj jipa yaicuj mandajmanmi saquina cani. Ñuca [imata] rurashcata japij runaca, alipacha yachajushca runa canatapash, na cashpaca shinlli shungu runa canatapash, ¿pita yachan?’.

 Jipacunaman shujcuna imata ruranataca na yachanchichu. Chaimandami ñucanchita Ruraj Taita Dios ñucanchita guiachun minishtipanchi.

 Ñucanchita Ruraj Taita Diosca gentecuna o gentecuna rurashca tecnología cai alpata o gentecunata tucuchichunga nunca na saquishachu nishpami prometishca.

•   Eclesiastés 1:4​pica ninmi: ‘Cai pachaca, causaita causaicaman tiajungallami’.

•   Salmo 37:29​pica ninmi: “[Alita] rurajcunami, llactataca japinga. Chai llactapica, causaitami causanajunga”.

 Ñucanchita Ruraj Taita Diosca Bibliapimi shamuj punllacunapi tranquilo ali causaiguta charingapaj imata ruranata nijun. Biblia imata nijta ashtahuan yachangapaj munashpaca, cai temacunata ricupangui: “¿Imata jipa punllapi ali causaiguta charichun ayudaita ushan?” “Shamuj punllacunapica ali causaigutami charishun”.