SIEMPRE CHAPARIANSHNA CAUSASHUNCHI

Inundaciongunaca ashtacatami llaquichinajushca | Bibliapica ¿imatata nin?

Cai idiomapi uyangapaj o ricungapaj

Mundo enteropi jatun inundacionguna tiashcamandami ashtaca gentecunaca llaquicunata charinajun. Cai noticiacunata liipai:

“140 huatacunata huashaman ricushpa comparajpica cai último punllacunapimi China llactamanda ashtahuan importante ciudadpica ashtahuan shinllita tamiashca. Sábado punllamanda miércoles punllacamanmi chashna shinllitapacha tamiashca” (AP News, 2 de agosto de 2023).
“Khanun nishca acapana tiashcamandaca jueves punllacamanmi ña ishcai punllacunata Japón llactapica jaicata tamiajushca. Huairatapashmi shinllitapacha huairajushca. Chaimandami ishcai gentecunaca huañushca. Chai acapana Taiwán llactacaman chayajpica chai llactapa urcucunapipashmi jaicata tamianga” (Deutsche Welle, 3 de agosto de 2023).
“Cai fin de semanaca Canadá llactamanda Océano Atlántico ladopimi shinllitapacha tamiarca. 50 huatatami na chashna shinllitapacha tamiashca. Chaimandami [Nueva Escocia pushtupica] shuj jatun inundación tiarca” (BBC News, 24 de julio de 2023).

Bibliaca ¿imatata caimandaca nin?

‘Último punllacunapi’ causanajushcatami cuenta japita ushapanchi

Bibliapica ‘último punllacunapi’ causanajushcatami ricuchin (2 Timoteo 3:1). Por ejemplo, Jesusca shuj profeciata parlashpami ‘gentecunaca manllanai cosascunatami ricunga’ nirca (Lucas 21:11). Clima cambiashcamandami manllanai acapanacuna, terremotocuna, shuj shuj jatun llaquicunapash tiashca. Chai llaquicuna ima hora tianata yachangapaca cunanga ashtahuan dificilmi can. Shinallata clima cambiashcamandami chai llaquicunaca ashtahuan seguido tiashca. Y ashtahuan shinllimi cashca.

Ñallami ashtahuan ali causashun

Bibliapica cai manllanai cosascuna pasajujpica shuj ashtahuan ali causai ñalla tiana cashcatami ricuchin. ¿Imashpata shina nipanchi? Jesusca: “Cai tucui cosascuna pasajujta ricushpaca, Taita Diospa Gobierno ñalla chayamunataca seguropachami cana canguichi” nircami (Lucas 21:31; Mateo 24:3).

Cai manllanai cosascuna pasajujta ricushpaca Taita Diospa Gobierno ashtahuan llaquicuna ama tiachun huairata, tamiata, yacuta, tucui cosascunata ñalla controlanataca seguromi caita ushapanchi (Job 36:27, 28; Salmo 107:29).

Diospa Gobiernoca clima cambiashcamanda cunanbi tiashca llaquicunatami tucuchinga. Chaimanda ashtahuan yachajungapaca “¿Pita cai planeta alpataca salvanga?” nishca temata ricupangui.