Copa Mundial de la FIFA nishcaca 20 de noviembremanda 18 de diciembrecamanmi canga. Chai futboltaca 5 millones gentecunami ricunga. Ashtaca gentecunaca mundo enteromanda llactacuna pugllajpica tucuicuna shujllashna causachun ayudan ninmi.

•   Sudáfrica llactamanda ex presidente Nelson Mandela jarica: “Deporteca mundo enterota cambiana podertami charin. Shinallata gentecuna shujllashna causachun podertami charin nircami”.

•   “FIFAPA presidente Gianni Infantino jarica: “Futbolca diferente llactacunamanda cashpapash shujllashna esperanzata charichun, shujllashna cushilla yalichun y juyaita charichunmi ayudan nircami”. a

 ¿Mundial de fútbol o shuj deportecunaca tucuicunahuan shujllashna causachun, cushilla yalichun ayudaita ushangacha? ¿Imahorapash tranquilo y shujllashna causaita usharingacha?

 Cai huatapa mundialca shuj huatacunamanda diferentemi cashca. Cai pugllaimandami macanajuicunami tiashca. Por ejemplo derechocunamanda, shuj shuj llactamanda cashcamanda y culquimandami macanajuicuna tiashca.

 Shina cajpipash mundial de futbolca cushilla yalichunmi ali can nishpami achica gentecunaca yuyan. Pero cai pugllaicuna mundo enteromanda gentecunahuan para siempre shujllashna causachunga na ayudanllu. Ashtahuangarin shuj shuj ruraicunata, yuyaicunata charimandami gentecunata caruyachin. Bibliapica “último punllacunapica” chashna causai tianatami villajun (2 Timoteo 3:1-5).

 Mundo enteropi shujllashna causai tianatami Bibliapica parlan. Cai alpapi tucui gentecunaca “Taita Diospa Gobierno” mandajpillami shujllashna causaita ushanga (Lucas 4:43; Mateo 6:10).

 Chai gobiernopica Jesusmi mandanga. Paimi cai alpapi shujllashna causai tiachun ayudanga. Bibliapica ninmi:

•   “Imatapash cashcatapacha ruranaca, sisanshnami canga. Casilla ali causaica ashtacapacha tianga” (Salmo 72:7).

•   “Imagupash illajcuna caparishpa mañajpica, paimi cacharichinga . . . Paicunapaj almataca, umachi tucunamandapash, ninandapacha llaquichi tucujujmandapash llujchingami” (Salmo 72:12, 14).

 Ñami Jesuspa yachachishcacunaca 239 llactacunapi ashtaca millón gentecuna shujllashna, juyarishpa causaita ushachunmi ayudashca. Caimanda ashtahuan yachangapaj munashpaca “Tucuicunata juyashpa tratapashunchi” nishca tematami ricuita ushapangui.