Gentecuna shujcunapi confiashpapash jipaman ñana confiai ushashcata cuenta japishpaca ninandami llaquirin. Ashtaca gentecuna imamanda shujcunapi ñana confiashcata ricupashunchi:

•   Huaquin politicocunaca gentecunaman imata minishtishcata cunapa randica, paicunallata beneficiaringapami imatapash ruran.

•   Huaquin noticiacunapica imatapash cabaltaca na villanllu.

•   Huaquin cientificocunaca gentecunata ciertopacha ayudangapaca na imatapash ruranllu.

•   Huaquin religiongunata ñaupaman pushajcunaca Taita Diospa munaita ruranapa randica, politicacunapimi chapurin.

 Gentecunaca na tucui gentecunapi confiashpaca alitami ruran. Bibliapica cashna nishpami advirtin:

•   “Mandajcunatapash, huañuna aichayu runatapash, na yariashpa causanachu canguichi. Paicunaca, na quishpichi ushanllu” (Salmo 146:3, Diospaj Shimi).

  Bibliapica Jesuspi confiai ushashcatami ricuchin. Jesusca ashtaca huatacuna huashaman causashca ali runallaca na canllu. Ashtahuangarin Taita Diosca paitaca ‘mandashpa tiajunapi’ rey shina mandachunmi agllarca. Y “paipa Gobiernoca nunca na tucuringachu” (Lucas 1:32, 33). Jesusca Diospa Gobiernopimi rey can. Chai Gobiernoca jahua cielomandami mandajun (Mateo 6:10).

•   Imamanda Jesuspi confiaita ushashcata yachajungapaca “Taita Diospa Gobiernopica ¿pita mandajun?”, shinallata “Taita Diospa Gobiernoca ¿imacunatallata ruranga?” nishca temacunata liipangui.