Mundo enteropimi politicapi cambiocuna tiachun nishpa ashtaca gentecunaca shujcunata llaquichinajushca.

•   México llactapica votación tiempocunapica 39 politicocunatami huañuchishca. Cunangamanga chashna ashtaca politicocunataca ima horapash na huañuchishcachu. 2023 y 2024 huatacunapica shuj shuj ruraicunahuanmi votación tiempocunapica gentecunataca ninanda llaquichishca.

•   Europa llactapica gentecunaca politicapi cambiocuna tiachun nishpami ashtaca viajecunata shujcunata llaquichishca. Por ejemplo, 15 de mayo de 2024​taca Eslovaquia llactamanda primer ministrotami huañuchingapaj munashca.

•   13 de julio de 2024​ta, Estados Unidos llactapi presidente cashca Donald Trump jarita huañuchingapaj munajpimi gentecunaca manllarishpa quidarca.

 ¿Imashpata gentecunaca politicapi imatapash cambiangapaj munashpa shujcunata llaquichin? Chashna llaquicunaca ¿ima horapash tucuringacha? Bibliapica ¿imatata nin?

 Bibliapica ‘último punllacunapi’ gentecuna nalita rurajcuna caimanda paicunapura na intindirishpa macanajuicuna, llaquicuna tianataca ñami villashca carca.

•   ‘Último punllacunapica shinlli, na aguantai ushanalla tiempocunami chayamunga. Porque gentecunaca paicunapilla pensarijcuna, malagradecidocuna, shujcunata na juyajcuna, de acuerdo cangapapash na munajcuna, millai millaicuna, amigocunatallata nalita rurajcuna, nimamanda na uyangapaj munajcuna, ninanda jariyashcacunami canga’ (2 Timoteo 3:1-4).

 Bibliapica cunan punllacunapi gobiernocunata na uyanayachishpa huelgacuna tianata, politicamanda gentecuna macanajunatapashmi ña villashcarca (Lucas 21:9). Shinapash politicamanda chashna llaquicunaca ñallami tucuringa.

 Bibliapica Taita Dios cai alpapi tiashca gobiernocunata tucuchishpa paipa Gobiernota churanatami ricuchin.

•   ‘Jahua pachapi causajuj Taita Diosca, mandana llactatami churanga. Chaipi mandajca, cai tucuilla mandana llactacunatami ñutushpa tucuchinga. Ashtahuangarin paica, causaita causaicaman mandajungallami’ (Daniel 2:44).

 Taita Diospa Gobierno cai alpata mandajpica mundo enteropimi tranquilo, ali causai tianga. Tucuicunami juyarishpa ali llevaringa.

•   Bibliapica Taita Diospa Gobiernopi mandaj Jesustaca, “Casilla Ali Causanata Caraj Mandaj” ninmi. Paimi tranquilo, ali causai para siempre tiachun ayudanga (Isaías 9:6, 7).

•   Cunanmandallatami Taita Diospa Gobiernota apoyajcunaca imashina tranquilo, ali causanata yachajunajun. Chai gentecunamanda parlashpaca Bibliapica: “Paicunapaj espadacunataca, yapuna rejacunaman tigrachinga. Lanzacunatapash, hocescunamanmi tigrachinga. Llacta puracunapash, na ashtahuan macanajungapaj espadacunahuan Ilujshingachu. Macanajuita yachachinapash, na ashtahuan tiangachu” ninmi (Isaías 2:3, 4).

 Ashtahuan yachangapaj munashpaca “Taita Diospa Gobiernoca ¿imacunatallata ruranga?” nishca temata, shinallata Taita Diospa Reinotaca ¿imata can? nishca videotapash ricupangui.