Huaquin cientificocunaca, 24 de enero de 2023​tami, fin del mundota representajuj Reloj del Juicio Finalpa a horastaca chaupi tuta tucunaman ashtahuan adelantachirca.

•   Noticias agenciapica nijunmi: “‘Reloj del Juicio Finalca’ cai mundopi gentecuna shuj jatun peligropi cashcatami ricuchijun. Ucrania llactapi guerramanda, guerra nuclear tianata manllaimanda y clima manllanaita cambiajushcamandami Reloj del Juicio Finalca ña chaupi tutaman chayajuj cuenda can” (AFP International Text Wire).

•   Noticiapipash ninmi: “Martes punllatami cientificocunaca nirca, Reloj del Juicio Finaltaca chaupi tutapa shuj minuto y mediolla faltachunmi adelantachishca. Mundo enteropi gentecunapaca ñallapachami Armagedonga chayamugrin” nircami (ABC News).

•   “Shuj periodicopipash ninmi: ”Tauca internacional cientificocuna tandanajushpami, gentecunaca cunanmi como nunca shuj jatun peligropi can nishpa advirtinajun” (The Guardian).

 ¿Gentecunaca tucurigrinchichu? ¿Ñucanchi causanajunchi planetaca tucurigrijunllu? ¿Jipacunaman ima pasanataca manllanachu capanchi? Bibliapica ¿imatata nin?

 Bibliapi nishca shinaca, cai alpaca ‘causaita causaicaman [o para siempremi] tianga’. Gentecunapash cai alpami ‘causaita causaiman [o para siempre] causanajunga’ (Eclesiastés 1:4; Salmo 37:29). Shinaca, gentecunaca na cai alpataca tucuchingachu. Cai planeta sin vida, yanga yanga quidachun dañaitapash na ushangachu.

 Pero Bibliapica fin o tucurimui punlla tianataca parlajunmi. Por ejemplo 1 Juan 2:17​pica ninmi: “Cai mundopash tucuringami”.

•   Fin del mundo parlashpa Bibliapi imata nijujta yachangapaca, “Tucurimui punllaca ¿ñachu chayamujun? Apocalipsisca ¿imata can?” temata liipangui.

•   Cai mundopi ñalla pasana cosascunamanda Biblia imata nijta yachangapaj munashpaca “¿Ima horashi fin del mundoga chayamunga?” temata liipangui.

 Cai mundopi ashtaca problema tiajpipash ama yapata preocuparijuchunmi Bibliaca ayudan. ¿Imashinata ayudan?

•   Bibliaca alipacha consejocunata cushpami ayudan (2 Timoteo 3:16, 17). Por ejemplo, problemacunata charishpapash ama yapata preocuparijungapaca, “Ama yapata preocupado sintiringapaca ¿imatata rurai ushani?” temata ricupangui.

•   Bibliapica shamuj punllacunapi shuj ali causaigu tianatami villajun (Romanos 15:4). Cunan punllacunapi y shamuj punllacunapi ima pasanata yachachunmi aliguta explican. Chaicunata aliguta intindishpaca, cai mundopi ima problemacuna tiajpipash na manllarishunllu.

 Biblia imata nijta ashtahuan yachangapaj munajpica, cunanllata Bibliata gratis estudiachunmi animapanchi.