Cada huatami mundo enteropi ashtaca terremotocuna tian. Huaquin terremotocunaca na yapa fuertechu can. Cutin shuj terremotocunaca yapa fuerte caimandami ashtaca gentecunata llaquichishca, huañuchishcapash. Cutin shuj ladocunapica fuerte terremotocuna tiaimandami mar yacucuna jatarishpa gentecunataca ninanda llaquichishca. Bibliapica terremotomandaca ¿imatata nin?

Cati tapuicunataca cai temapimi yachajupashun

•  Bibliapica terremotocuna tianga nishpami villan

•  ¿Bibliapa profeciacuna pactarijuimandachu cunan tiempopi terremotocunaca tian?

•  Bibliapi terremotocuna tianga nishca profeciata yachanaca ¿imamandata ñucanchipaca importante can?

•  Terremotocunamanda y Bibliapa profeciacunamanda pandata nishca yuyaicuna

 Bibliapica Jesús terremotocunamanda parlashca profeciacunami tian. Jesús terremotocunamanda parlashca profeciacunataca Mateo, Marcos, Lucas librocunapimi tarita ushapanchi:

 “Gentecunaca paicunapurami macanajunga. Llactacunapash paicunapurami macanajunga. Ninan yarjaipashmi tianga. Terremotocunapash shuj shuj llactacunapimi tianga” (Mateo 24:7).

 “Gentecunaca paicunapurami macanajunga. Llactacunapash paicunapurami macanajunga. Terremotocunapash shuj shuj pushtucunapimi tianga. Ninan yarjaipashmi tianga” (Marcos 13:8).

 “Shuj shuj ladocunapimi shinlli terremotocuna tianga. Shinallata, ninan yarjaipash, tucui laya o tucui clase unguicunapashmi shuj shuj ladocunapi tianga” (Lucas 21:11).

 Shuj shuj ladocunapimi shinlli terremotocunaca tianga nishpami Jesusca villarca. Shinallata guerracunapash ninan yarjaipash, unguicunapash o epidemiacunapash tianga nishpami villarca. Cai tucui llaquicunaca último punllacunapimi pasanga nircami (Mateo 24:3; 2 Timoteo 3:1). Bibliapica último punllacunaca 1914 huatapimi callarirca nin. Chai último punllacunaca cunangaman catijunrami.

 Jesuspa nishca profeciacunaca cunan punllacunapica tucuillami pactarijun. Shinallata terremotomanda profeciapashmi pactarijun. 1914 huatamandapachami 1,950 yali terremotocuna tiashca. Chai terremotocunaca dos millones yali gentecunatami huañuchishca. a Huaquin huatacuna huashaman terremotocuna imashina llaquichishcata ricupashun.

 Huata 2004​pi Océano Indicopi tiashca terremoto. Terremoto de 9.1 cashcamandami mar yacu jatarishpa 12 llactacunata llaquichirca shinallata más o menos 225 mil gentecunami huañurca.

 Huata 2008​pi China llactapi tiashca terremoto. Terremoto de 7.9 caimandami huaquin llactacunata tucurirca. Chai terremotopica más o menos 90 mil gentecunami huañushca, cutin 375 mil gentecunaca hospitalmanmi rishca shinallata millón gentecunapa huasicunami tucurishca.

 Huata 2010​pi Haití llactapi tiashca terremoto. Terremoto de 7.0 cashcamanda shinallata cutin cutin alpa chujchuimandami 300 mil yali gentecuna huañushca shinallata millón yali gentecunapa huasi tucurishca.

 Huata 2011​pi Japón llactapi tiashca terremoto. Terremoto de 9.0 caimandami mar yacutapash jatarishca chai terremotoca más o menos 18 mil 500 gentecunatami huañuchishca. Cutin ashtaca ashtaca gentecunaca tucui paicunapa charishcatami chingachishca. Shinallata chai terremotomandami Fukushima llactapica micha plantapi shuj accidente tiashca. Accidentemanda ña diez huatacuna yalishca cajpipash micha planta tujyajpi nali gas llujshimandami 40 mil gentecunaca paicuna causashca llactamanga nara tigraita ushashca.

 Terremotocunamanda profeciaca shamuj punllacunapi ima pasanata yachachunmi ayudan. Jesusca cai tucui cosascuna pasajujta ricushpaca Taita Diospa Gobierno “ñalla chayamunataca seguropachami cana canguichi” nircami (Lucas 21:31).

 Bibliapica Taita Diospa Gobierno ciertopacha tiashcatami yachachin chai Gobiernoca jahua cielopimi can. Taita Diospa Gobiernopica Jesusmi mandanga ninmi. Shinallata Taita Diospa Gobierno cai alpaman ucha o utica mandaj shamuchun mañanatapashmi yachachin (Mateo 6:10).

 Taita Diospa Gobierno cai alpata mandajpica terremotocuna shuj llaquicunapash na ashtahuan tiangachu (Isaías 32:18). Taita Diosca terremotocuna gentecunata llaquichishca, llaquicunatapashmi tucuchinga (Isaías 65:17; Apocalipsis 21:3, 4). Caimanda ashtahuan yachangapaj munashpaca “Taita Diospa Gobiernoca ¿imacunatallata ruranga?” nishca temata ricupangui.