Mundo enteropimi gobiernocunapa nali ruraicunaca llaquichin. a Por ejemplo ashtaca llactacunapi gobiernota ayudashpa trabajaj gentecunaca COVID-19 unguita charij gentecunata ayudana culquicunahuanmi paicunara rico tucushca nishpami juchachin. Gobiernocunata ayudashpa trabajaj gentecuna nalita rurashcamandami COVID-19 unguita charij gentecunaca doctorpa ayudata na charimanda ashtacacunaca huañurca.

 Gobiernocunapa nali ruraicunaca ashtacacunatami llaquita ushan. Primer ministro de Reino Unidomanda David Cameronga cashnami nin: “Gobiernocunapa nali ruraicunaca shuj jatun telarañashnami can. Chaimandami ashtaca llactacunaca chai telarañapi japi tucushcashna llaquichi tucun”.

 Shinapash tucui gobiernocunapa nali ruraicuna ñalla tucurina cashcatami seguro capanchi. ¿Imamandata chaitaca yachanchi? Gobiernocunahuan Taita Dios imata rurana cashcataca Bibliapimi nin.

 Taita Diosca paipa shimi Bibliapica cashnami nirca: “Jehová Dios ñucaca, imatapash aliguta ruranatami juyani. Shuhuashpa ñucaman cushpa tucuillata rupachijcunataca, na ricunayanllu” b (Isaías 61:8, TNM). Gobiernocunapa nali ruraicunamanda gentecuna sufrijujtaca Taita Diosca alimi yachan (Proverbios 14:31). Jehová Diosca imagutapash na charijcunata llaquichishcamandami cunanga “Ñucami shayarigrini y ñucami ayudagrini” ninmi (Salmo 12:5, TNM).

 Taita Diosca ¿imatata ruranga? Cai alpapi tiaj gobiernocunata mejoranapa randica, Taita Diosca paipa propio gobiernotami cai alpapica churanga chai gobiernoca Taita Diospa Gobiernomi can (Marcos 1:14, 15; Mateo 6:10). Bibliapica cashnami nin: “Jahua pachapi causajuj Taita Diosca, ima horapash na tucuchi tucuna mandana llactata churanga. . . Cai tucuilla mandana llactacunatami ñutushpa tucuchinga. Ashtahuangarin paica, causaita causaicaman mandajungallami” (Daniel 2:44). Paipa Gobiernohuanmi Taita Diosca cunanbi tiaj gobiernocunapa nali ruraicunataca tucuchinga.

 Taita Diospa Gobierno imahorapash nali ruraicunata na rurana cashcataca ¿imamandata seguro caita ushanchi? Cai yuyaicunata ricupashun.

1.  1. Podertami charin. Taita Diospa Gobiernoca tucui ushaita charij Taita Diospa podertami chasquinga (Apocalipsis 11:15).

    Caica imamandata importante can: Cai alpapi gobiernocuna ali funcionachunga gobiernocunaca gentecunapa culquitami minishtin. Chaimandami gobiernocunaca gentecunapa culquita shuhuan. Shinapash Taita Diospa Gobiernoca tucui ushaita charij Taita Diospa ayudatami charinga. Chaimandami gentecunapa minishtirishca cosascunatapash siempre caraita ushanga (Salmo 145:16).

2.  2. Shuj gobernantemi charin. Taita Diosca paipa Gobiernopi mandachunga Jesustami churashca (Daniel 7:13, 14).

    Caica imamandata importante can: Cai alpapi gobiernocunaca ali gobiernocuna cangapa munashpapash imagupipash siempremi pandarin (Eclesiastés 7:20). Jesusca paiman imatapash pacalla cuchunga na munanllu carca (Mateo 4:8-11). Ashtahuangarin Jesusca gentecunata ninanda juyaimandami paicuna ali cachun munan (Salmo 72:12-14).

3.  3. Leycunatami charin. Taita Diospa Gobiernopa leycunaca perfectomi can, chai leyta cazujcunaca cushillami causan (Salmo 19:7, 8).

    Caica imamandata importante can: Gobiernocuna churashca leycunata pactachinaca dificilmi can y gobiernocunaca chai leycunata gentecuna tucuita aliguta pactachichunga na ushanllu. Chaimandami nali ruraicunaca tiana cutin Taita Diospa leycunaca alipacha cashcamandami ñucanchicunatapash ayudan (Isaías 48:17, 18). Ashtahuangarin Taita Diospa leycunataca Taita Diosta juyaimanda y shuj gentecunatapash juyaimandami pactachinchi (Mateo 22:37, 39). Taita Diosca ñucanchi shungu ucupi ima tiajtaca alimi yachan chaimi ñucanchicuna pactachi ushanalla leycunata cun (Jeremías 17:10).

 Bibliapica jipa punllacunapi Taita Diospa Gobierno ali mandanatami yachachin chai promesamanda yachajuchunmi invitapanchi.

•   “Diospaj Reinoca alimi mandanga” nishca temata liipai, chai temapica Taita Diospa Gobiernoca imahorapash nali ruraicunataca nunca na ruranatami quimsa yuyaicunapi yachachin.

•   Taita Diospa Gobiernomanda ashtahuan yachangapaj, cai alpapi imata rurana cashcata yachangapaca Taita Diospa Gobierno ¿imata can? nishca videota ricupai.

•   Bibliamanda yachajupai. Bibliapa promesacunamandaca quiquinbashmi beneficiarita ushapangui.