Mundo enteropimi ashtaca gentecunaca vegano nishca gentecunapa causaimandaca ashtahuan yachangapaj munan.

•   “Vegano nishca gentecunaca imata rurashpapash animalcunata ama llaquichingapami esforzarin. Shinallata micunata, ropata o imatapash rurangapaca animalcunata ama huañuchingapami esforzarin” (The Vegan Society).

 Ashtaca gentecunaca animalcunamanda preocuparishca jahuapash, cai planeta alpata cuidangapaj, sano cangapaj o paicunapa religionmandapashmi veganocuna tucun.

•   “Gentecunaca paicunallata sano cangapallami dietacunata rurashpa huaquin cosascunataca na micun. Shinapash vegano nishca gentecunaca: ‘Animalcunata na micushpaca, ali crishcacunatami catinajunchi. Ashtahuan ali gentecuna cangapami esforzarinajunchi. Y cai mundo ashtahuan ali cachunmi ayudanajunchi’ nishpami pensarin” (Britannica Academic).

 Vegano nishca gentecunashna causashpaca ¿ciertopachachu cai mundo mejorachun ayudapashun? Bibliapica ¿imatata nin?

 Bibliapica ñucanchita ruraj Jehová a Diospa ñaupapica gentecuna animalcunamanda ashtahuan yali importante cashcatami ricuchin. Shinallata Jehová Dios gentecunata rurashpaca ‘animalcunata mandanguichi’ nishpami mandarca (Génesis 1:27, 28). Jipaca gentecuna animalcunapa aichata micuchunbashmi Diosca saquirca (Génesis 9:3). Shinapash Jehová Diosca animalcunata maltratachunga na munanllu (Proverbios 12:10).

 Bibliapica aichata micunata o na micunataca cada unomi decidina can ninmi. b Aichata micushpa o na micushpapashmi Diospa ñaupapica ali ricurita ushapanchi (1 Corintios 8:8). Shujcuna imata micunata decidijpipash na criticajunachu capanchi (Romanos 14:3).

 Ashtaca problemacunaca politicamanda, gentecuna imashina causashcamanda o culquimandami tian. Chai problemacunataca gentecunaca na tucuchita ushanllu. Chaimandami Bibliapica gentecuna imashina causashpapash cai mundo mejorachunga na ayudaita ushangachu nishpa yachachin. Bibliapica cashnami nin:

•   “Vishtuyashcataca, na alichi usharinllu” (Eclesiastés 1:15).

 Ñucanchita ruraj Taita Diosmi ñucanchi charishca problemacunataca tucuchinga. Bibliapica Jehová Dios chaita pactachingapaj imata ruranatami ricuchin. Chaipaca ejemplocunatami utilizan:

•   “Chai jipaca, shuj mushuj cielota y shuj mushuj alpatami ricurcani. Porque punda cielopash y punda alpapash ñami chingashcarca. Mar yacupash ñana tiarcachu” (Apocalipsis 21:1).

 Cai textopica ‘punda cieloca’ gentecunapa gobiernocunatami ricuchin. Shinallata ‘mushuj cieloca’ Diospa Gobiernotami ricuchin. Shinaca Jehová Diosca ‘punda cielota’ o gentecunapa gobiernocunata tucuchishpami, “mushuj cielota” o paipa Gobiernota apamunga. Cutin chai textopica ‘punda alpaca’ nali gentecunatami ricuchin. Y ‘mushuj alpaca’ Diosta cazungapaj munaj gentecunatami ricuchin. Shinaca Diospa Gobiernoca ‘punda alpata’ o nali gentecunata tucuchishpami, ‘mushuj alpata’ o Diosta cazungapaj munaj gentecunata alipacha mandanga.

 Shinaca Diospa Gobierno mandajujpillami animalgucunahuan aligutapacha causashun. Cai planeta alpatapashmi alipacha cuidaita ushapashun (Isaías 11:6-9).