Estudiantes de la Bibliapa a radio estacionga, domingo 24 de febrero de 1924 tutapimi primer programata transmiti callarirca. Chai radio estaciondami WBBR nishpa rijsin carca. Primera transmisionga ¿imashinata carca? ¿Picunata uyarca? ‘Ali villaicunata, tucui llactapi gentecuna uyachunga’ ¿imashinata testigo de Jehovacunaca mushuj tecnologiacunata utilizanajushca? (Mateo 24:14).

 Primer programaca, las 8 y media de la nochetami callarirca, 2 horastami pararca. Nueva York, Staten Island llactapi shuj mushuj radio estacionda rurashpami primer programataca transmitirca. Huauqui Ralph Lefflermi ingeniero de sonido carca. Paica, estudio de grabacionbica tucuicunami nerviosocuna carcanchi nircami. Shinallata, clarocha uyaringa nishpami pinarinajurcanchi nircami. Shinapash, “interruptortaca alzarcani y ojalá tucui ali llujshishcanman nishpami programataca transmiti callarircanchi” nircami.

 Chai primer programapica, huauqui Victor Schmidtmi locutor y radio estacionba director carca. Alipacha musicocunata y cantantecunata presentashpami callarirca. Paicunaca tucuillacunami Estudiantes de la Bibliacuna carca. Primeroca shuj huauquimi, música clásica nishcacunata pianopi tocashpa callarirca. Chai jipaca, Cora Wellman panigumi, chingashca llamagupa comparacionmanda parlaj “Noventa y nueve ovejas” nishca cancionda candarca (Lucas 15:4-7). Chai jipaca shuj shuj presentaciongunapashmi tiarca. Por ejemplo, huauqui Frederick Franzmi, chingashca churimanda parlaj “El penitente” nishca cancionda candarca (Lucas 15:11-25).

 Chai tiempopica huauqui Joseph Rutherfordmi Estudiantes de la Bibliapa obrataca dirigijurca. Paica, cai radio estacionga “Mesiaspa Gobiernopa obrata” pactachingapami sirvinga nishpami shuj discursota curca. Paica nircami: “Cunan punllacunapica ñucanchi Señormi cai radio estacionda funcionachun saquijun. Paipa alipacha profeciacuna pactarijujta gentecuna uyachun munashpami funcionachun saquijunga” nircami.

 Estado Unidospa noreste ladomanda ashtaca gentecunapashmi primer programataca alipacha uyarca. Morrisville, Vermont, pushtucamanmi uyarirca. Chai pushtuca Staten Island pushtumanda 320 kilometrocuna carupimi can. Morrisvillemanda shuj personaca nircami: “Tucuilla programami alipacha uyarirca. Rutherfordpa vozca, claro claromi uyarirca. Tucuilla palabracunami ali uyarirca” nircami. Shinallata, Monticello, Floridaca carupipachami can. Chaipipashmi radio emisoraca ali uyarishcarca. Cai mushuj radio estacionga ashtacatapachami ayudarca. Ashtaca gentecunami agradicishpa cartacunata escribirca.

 Radio emisoraca 33 b huatacunatami Diospa Gobiernopa ali villaicunataca uyachijurca. Ashtahuanbachaca, Estado Unidospa noreste ladomanmi alipacha uyarijurca. Pero huaquinbica, WBBR emisoraca shuj radio emisoracunahuan chapurishpami, shuj shuj ladocunamanbash chayanlla carca. Chaimi Estados Unidospi, Canadapi y shuj pushtucunapipash ashtaca millón gentecuna programataca uyai usharca. Anuario de los testigos de Jehová para 1975 libropica cashna nishpami villajurca, año 1933​pica, mundo enteropi gentecunapash ali villaicunata uyachunmi, 408 radio emisoracunata utilizarcanchi y 23 mil 783 discursocunatami radiopi yalichircanchi nishpa villarca. Shinallata aliguta sintonizashpaca shuj shuj emisoracunapipashmi Watch Towerpa programata uyaita usharinlla carca nircami. Chai punllacunapica, radio emisoracunata utilizashpami Jehová Diostaca alabarcanchi.

 Estudiantes de la Bibliacuna, WBBR radio estacionda ocupai callarijpica, 1.064 publicadorcunami Estados Unidospica tiarca. Radio emisorami chai publicadorcunataca shuj shuj gentecunamanbash ali villaicunata predicachun ayudarca. Pero 1957​pica, 187 mil 762 publicadorcunami Estados Unidospica tiarca. Cutin mundo enteropica 653 mil 273 publicadorcunami tiarca. Shinallata, reuniongunapi aliguta yachajushpami huauquipanicunaca huasin huasin predicangapapash y yachachingapapash ashtahuan capacitarirca.

 Chashna alipacha cambiocuna tiai callarijpimi, organizacionda diriginajuj huauquicunaca, radio emisoraca ñana tanto ayudajunllu, huasin huasin predicanarapashmi ashtahuan ali ayudana ricurijun nishpa pensari callarirca. Shina pensarinajushpami WBBR radio estacionda jatungapaj decidirirca. Chai tiempopica solo chai radio estacionllami Sociedad Watchtowerpa propiedad carca y solo chaitallami ña ocupanajurca. Shinami 15 de abril de 1957​pica, chai radio estacionda jaturca. Shuj punlla antes, ña último programata yalichinajushpami huauqui Nathan Knorrtaca ¿imamandata radio estaciondaca jatugrinajunguichi? nishpa tapurca. Chaimi paica, cunan cai ratopica, huasin huasin predicashcamandami testigo de Jehovacunaca miranajunchi nirca. Shinallata nircami: “WBBR radio estacionga ashtaca gentecunatami ayudashca. Pero ñucanchi programacuna uyarijuj pushtucunata, shuj pushtucunahuan ricujpica, na ashtaca aumento tiashcachu” nircami. Chai huauquicunaca radio estacionba cuendaca huasin huasin predicanami ashtahuan ali can yarcami. Shinapash transmisiongunaca na chaipichu tucurirca. Jipa huatacunamanga shuj formapi ali villaicunataca transmiti callarirca.

 Jehovapa organizacionbaca, 6 de octubre de 2014​ca shuj fecha especialmi can. Chai fechapimi, ñucanchi canal de televisión JW Broadcastingga por internet callarirca. Chai punllamandami testigo de Jehovacunaca cada quilla programacunataca por internet, por JW Library, por streaming, por receptor de señal de vía satélite c nishcapi ricui ushan. Shinapash huaquin llactacunapica todaviami testigo de Jehovacunaca radiota y televisionda aliguta ocupashpa catin. ¿Imamandata shina nipanchi?

 Cai huatacunapica, internet de mala calidad cashca pushtucunapi cada semana reuniongunata o asamblea regionalcunata transmitingapami, ñucanchi organizacionga radio estaciongunata o canal de televisiongunata contratashca. Na Testigo gentecunapashmi chashna transmisiongunataca aprovechashca. Por ejemplo, año 2021 y 2022​pica, tauca radio estaciongunapa gerentecunami, África orientalpi testigo de Jehovacunapa sucursalmanga, na Testigo de Jehová gentecunapashmi cangunapa reuniongunataca alicachin nishpa villarca. Kenia, Sudán del Sur y Tanzania llactacunapicarin, ñucanchi programata uyanajuj gentecunaca, Bibliata estudiangapami shuj cursota solicitanajushca.

 Testigo de Jehovacunaca, huasin huasin rishpa, mediante jw.org y Bibliapa publicaciongunata charij cochegucunata utilizashpami principalmenteca predicanchi. Ñucanchi sitio de internet paginapica, Bibliapash y más de 1.080 idiomacunapi Bibliamanda publicaciongunapashmi gentecuna ricuchunga tian. Chai publicacionga na imapash preciota charinllu. Shinallata Bibliamanda shuj shuj tapuicunatami contestan. Ñucanchi reuniongunapa horariocunata y maijan pushtucunapi reunionguna tiajtapashmi villan. Testigo de Jehovacunaca shuj shuj formacunata mascashpami ali villaicunata uyachinajushca. Chaimandami cunanbica, Taita Diospa Gobiernopa ali villaicunataca facillla uyai ushanchi. Bibliapi nishca shinaca, ali villaicunataca ‘mundo enteropimi’ predicanajupanchi (Mateo 24:14).