Ñucaca (Nueva York) llactapimi viñarcani. Ñuca familiaca catolicami carca. Ñuca ocho huatacunata charijpimi ñuca taitacunaca separarirca. Ñucaca ñuca mamahuan y ñuca huauquipanicunahuanmi causarcani. Ñucanchica pobrellagumi causarcanchi. Cutin fin de semanacunataca ñuca taitahuanmi yalin carcani, paica ashata charijllami causan carca. Ñuca mamita seis huahuacunata manteningapaj ninanda esforzarijta ricushpaca, ñuca mamitata ayudangapaj charij charij tucuna munaitami charircani.

 Ñuca taitaca ñuca chariyashpa ñaupaman catichunmi munarca. Chaimandami rijsishca rijsishca universidadman yaicuchunmi huaquin cosascunata rurarca. Ñucapash chaita rurangapaca ninandami munarcani chaimandami universidadman yaicurcani. Ñucaca Taita Diostaca ashtaca culquita ganashpa cushilla causangapaj ayudahuai nishpami mañarcani. Chaimi universidadman yaicushpaca Taita Diosmi ñuca mañashcacunata contestahuajun nishpa pensarcani. Ñucaca administración hotelera, derecho mercantil y economía empresarial nishcacunatami cinco huatacunapi estudiarcani. Estudiashpandimi Las Vegas llactapi shuj casinopi y shuj hotelpi trabajan carcani.

 22 huatacunata charishpaca, hotelpi y casino nishcapimi vicepresidentepa ayudante shina trabajajurcani. Shujcunaca ñucataca charij charijtashnami ricuhuan carca. Ñucaca valishca micunacunata, vinocunata, tragocunatami ufian carcani. Ñuca cumbacunaca: “Cai mundopica culquillami mandan chaitaca pactara cunganguiman” nihuanmi carca. Paicunaca cushilla causangapaca ashtaca culquita charinami minishtirin nishpami pensan carca.

 Las Vegas llactamanga charij charij jaricuna, huarmicunami apostashpa pugllangapaj shamun carca. Paicunatami atendishpa trabajana carcani. Paicuna ashtaca culquita charishpapash cushillaca na carcachu. Cabalta parlashpaca ñucapash cushillaca na carcanichu. Y ashtahuan culquita ganashpapash estresado, puñuitapash na ushan carcanichu. Chaimi cashna causangapaca ña na munarcani. Cashna llaquilla causajuimandami Taita Diostaca cushilla causai ushangapaj ayudahuai nishpa mañarcani.

 Chai tiempopica ñuca ishcai panigucunaca testigo de Jehovami tucushcarca. Y Las Vegas llactaman causangapami shamushcarca. Ñucaca paicuna cushca publicaciongunata na liingapaj munashpapash ñuca propio Bibliatallatami paicunahuan igual lii callarircani. Shinallata ñucalla cashpapashmi Bibliataca liin carcani. Cai Bibliapi cabal Jesuspa huaquin yachachishcacunatami señalashpa charin carcani. Ñuca panicunaca Jesustaca ninanda respetashcatami yacharca. Chaimandami Jesuspa yachachishcacunamanda ñucahuan parlashpa callarirca.

 Bibliata liispaca huaquin cosascunatami yachajurcani. Por ejemplo, shuj viajeca Jesusca cashnami nirca: “Mañajushpaca Taita Diosta na rijsi gentecunashna chaitallata chaitallata nishpaca, na cutin cutin mañajunachu cangui. Chai gentecunaca, unai unaita mañajpimi Taita Diosta uyanga yashpami shina mañan” nircami (Mateo 6:7). Shuj tiempo huashamanga shuj sacerdoteca Jesuspa fotogutami ñucamanga carahuarca. Paica cashnami nirca: “10 padrenuestrota rezajpi y 10 avemariata rezajpica Diosca ashtaca culquita cushpa bendicianga” nihuarcami. Shinallata Jesusca chaitallata chaitallata repetishpa rezachunga na mandarcachu. Shinallata Jesuspaca yachachishcacunatapashmi liircani: “Cai alpapipash na pitapash Taita nijunachu canguichi. Cangunaca shujlla Taitatami charinguichi. Paica jahua cielopimi can” (Mateo 23:9). Chaimandami “¿imamandata catolicocunaca sacerdotecunataca padre nishpa rijsinchi? nishpami pensarircani”.

 Bibliapa Santiago librota liishpami ñuca causaipi imata rurajushcata pensari callarircani. Santiago capítulo 4, verso 4pica: “Nachu yachanguichi cai mundohuan amigo tucushpaca Taita Diospa contra tucunajushcata? Porque cai mundohuan amigo tucungapaj munajcunaca Taita Diospa contrami tucunajun” ninmi. Cutin versículo 17​ta liishpaca ashtahuanmi pensarishpa quidarcani. Chaipica: “Pipash alita ruranata yachashpata na rurashpaca ñami pecadota rurajun” ninmi. Chaimandami ñucapa trabajota saquingapaj munashcata villangapami ñucapa ishcandi panicunata cayarcani.

 Ñucaca Taita Diosman ashtahuan quimiringapami munarcani Shinallata ñuca taitacunahuan y ñucapa huauquipanicunahuanbash ashtahuan ali llevaringapami munarcani. Y chaita pactachingapaca huaquin cambiocunata rurangapajmi decidircani. Pero chai cambiocunata ruranaca na facilchu carca. Por ejemplo, punda ganajushcata yali pagashun nishpami jatun hotelcunapi y casinocunapi trabajachun mañahuarca. Pero ñucaca Taita Diosta mañashpami chai trabajocunapi ña na trabajanata decidircani. Cashna trabajocunapi trabajanata saquishpami ñuca mamapa huasipi garashta arreglashpami chaipi causangapaj rircani. Shinallata micunacunapa menú nishcapa hojacunata plasticashpami trabajai callarircani.

 Bibliapa consejocunami ali decisiongunata agllachunmi ninanda ayudahuajurca. Shinapash ñucaca testigo de Jehovacunapa reuniongunamanga na ringapaj munarcanichu. Shuj viajeca ñuca panicunaca, “Testigo de Jehovacunamandaca ¿imatata na gushtangui?” nishpami tapuhuarca. Chaimi: “Cangunapa Diosca familiacunata separaitami separan nishpami contestarcani. Shinallata ñucaca Navidadpi y cumpleañoscunapillami familiahuan cangapaj tiempota llujchita ushani. Pero cangunaca chai fiestacunataca na ruranata yachanguichichu” nircanimi. Chaimi ñucapa shuj panica: “Chai fiestacuna yalijpica shuj punllacunaca ¿imatata ruran? Ñucanchicunaca siempremi canhuan tiempota yalingapaj munanchi. Pero canga cashna fiestacunapilla ñucanchihuan tiempota yalingapami munangui” nishpami huacarca. Ñuca pani shunguman chayajta shina nijpica, paihuan igualmi huacai callarircani.

 Testigo de Jehovacuna familiacunata ninanda juyajta paicunamanda preocuparijtami cuenda japircani. Chaimandami reuniongunaman rita callarircani. Chai reunionbica Kevin huauquitami rijsircani. Paimi Bibliamanda yachachi callarihuarca.

 Kevin y paipa huarmiguhuanga shuj gentecunaman Bibliamanda yachachishpa ayudangapaj tiempota charingapajmi minishtirishca cosasgucunahuanlla causangapaj decidishcarca. Paicunaca África y Centroamérica llactapi testigo de Jehovacunapa sucursalcunata construinajujpi ayudangapami rin carca. Chaipami culquigutaca ahorran carca. Paicuna ninanda juyarijta y cushilla causajtami cuenda japircani. Ñucapash chashna causaita charingapajmi munan carcani.

 Shuj punllaca Kevin huauquiguca misionero shina Jehovata sirvishpa cushilla causai ushashcatami shuj videopi ricuchihuarca. Chaimi ñucapash chashna causaigutallata charingapaj munarcani. Chaimi seis quillacunata Bibliata yachajushca jipami 1995 huatapi bautizarircani. Cunanbica charij cangapaj ayudahuai nishpaca Jehová Diostaca ña na mañapanichu. Ashtahuangarin: “Imagutapash na charij canatapash, ninan charij canatapash ama cuhuaichu” nishpami mañani (Proverbios 30:8).

 Cunanbica culquita charimandaca na cushillachu cani. Jehová Diosta sirvijuimandami ninanda cushijupani. Ñuca huarmigutaca Honduras llactapimi rijsircani. Paihuanmi Panamá y México llactapi misionero shina Jehová Diosta sirvinajupashcanchi. Bibliapica: “Mandaj Dios bendiciamushcami charijyachin. Chaihuanga, ima llaquitapash na mirachinllu” nishca shimicuna cierto cashcatami cuenda japipashcani (Proverbios 10:22).