Diospa Gobiernolla tucui llaquicunata tucuchinatami Jesusca yachachirca (Mateo 6:10). Diospa Gobiernomanda yachana valishcapacha cashcata intindichingapami Jesusca Mateo 13:44​manda 46​pica shuj chimbapuraita churashpa yachachirca:

•   Shuj jari pambapi trabajajushpami na yashcapi valishca orota tarirca.

•   Juyailla perlas rumiguta randingapaj mascashpa purij runagumi shuj juyailla valishca perlaguta tarin.

 Chai valishca perlagucunata charingapaj munaimandami ishcandi jaricunaca paicunapa tucui charishcacunata jaturca. Cai jaricunaca Diospa Gobiernota valichij gentecunatami ricuchin. Paicunapa munaicunata huashaman saquishpami Diospa Gobiernota apoyan (Lucas 18:29, 30). Cai videopica Jesús parlashca chimbapuraipi jaricunashna imashina shuj huauquigu y shuj panigu Diospa Gobiernota valichijtami ricupangui.