Brooke shuti huarmiguca testigo de Jehovami can, Estados Unidos llactapimi causan. Paica COVID-19 pandemiapica cartacuna escribishpami villachirca. Cada semanami ashtaca cartacunata escribirca. Shinapash huata chaupi jipaca, cartacunata saquishcamanda shuj personalla contestashcamandami ninanda desanimarishca carca. Ashtahuanbash chai personaca cartacunata ama cutin escribinguichu nishpami escribishca carca. Chaimi Brookeca cartacunataca yangami escribijuni yarca.

 Shinapash jipamanga Kin shuti testigo de Jehová huarmiguca, pai trabajajushca bancopi shuj clientehuan ima pasashcatami Brookemanga parlarca. Bancomanda clienteca testigo de Jehová escribishca cartata chasquishcatami Kimmanga villarca. Chai cartataca Brookemi escribishca carca. Cati semanaca chai clienteca bancoman tigrashpami, tandajuicunamanga ñucapash ri ushanichu nishpa Kimdaca tapurca. Chai tiempopica tandanajuicunataca Internetpimi ruran carca.

 Chai jipallami, David shuti Testigoca trabajomanda shuj compañeropash Brooke escribishca cartata chasquishcata Brookemanga parlarca. Cai compañeroca cai cartataca maquipi escribishca cajpimi ninanda alicachirca. Paica: “Shuj personacunapash shujcunapi preocuparishpaca alimi canman” nircami. Davidca trabajopi compañeroman villachingapami aprovecharca. Shinallata, shuj publicacionda liingapaj munanguichu nishpami tapurca. Compañeroca ari, pagui nircami.

 Testigo de Jehovacunaca Reinomanda villachishca muyu maipi viñanataca na yachanchichu (Eclesiastés 11:5, 6). Shinapash cai experienciacunami Brooketaca villachingapaj esforzarishpa catina ali cashcata cuenta japichun ayudarca (1 Corintios 3:6).