Testigo de Jehovacunaca Taita Dios cumpleañoscunata rurachun na munashcataca seguropachami capanchi. Chaitaca Bibliapi huaquin yuyaicunata ricushpami cuenta japi ushapanchi. Bibliapica ni maipi na nijunllu, cumpleañoscunataca na ruranachu canguichi nishpa. Shinapash cai chuscu yuyaicunapimi ricupanchi que Taita Diosca cumpleañoscunata rurachunga na munashcata.

1.   Panda religiongunami cumpleañoscunataca ruran carca. Cumpleañoscuna imashina tiai callarishcamanda parlashpaca shuj enciclopedia libropica ninmi: “Cumpleañosta rurajuj punllapipacha cumpleañerota atacangapami nali espiritucunaca listo shuyanajun, shinapash cumpleañosta rurajujpi cumbajcunami paicunapa, ‘ali suerteta charipangui’, ‘ali yalipangui’ nishca parlashcacunahuanga chai espiritucuna ama cumpleañerota llaquichichun ayudan carca” ninmi (Funk & Wagnalls Standard Dictionary of Folklore, Mythology, and Legend). Shinallata punda tiempocunamanda parlaj The Lore of Birthdays libropica ninmi, pipash nacirishca punllataca siempremi anotashpa charin carca. Shinami chai cumpleañerohuan ima pasanata yachai usharin y paimanda horoscopocunatapash llujchita usharin nin carca ninmi. Chai libropillata vela de cumpleañoscunamanda parlashpaca ninmi: “Chai tiempopi gentecunaca cumpleañero imata munashcata cumplingapami chai vela de cumpleañoscunaca ayudan nishpami crin carca” ninmi.

    Shinapash Bibliapica Taita Diosca claritomi ricuchijun que espiritismohuan ricuna cosascunata, brujeriahuan, magiahuan ricuna cosascunatapash napacha alicachishpa ricuna cashcata (Deuteronomio 18:14; Gálatas 5:​19-​21). Chai cosascunata rurashpa causashcamandami, punda tiempopi Babilonia llactamanda gentecunataca Taita Diosca llaquichirca. Paicunaca brujurishpa, ayacunapa cosascunatami rurashpa causan carca (Isaías 47:11-​15). Testigo de Jehovacunaca imapash shuj fiesta o shuj costumbre imashinapacha tiai callarishcataca na cada unomanda investigajunllu. Shinapash Bibliapi espiritismomanda o brujeriacunamanda parlaj cosascunataca napacha alicachinachu canguichi nishpa mandajpica, napacha chaicunapica chapuripanchichu.

2.   Jesuspa primero catijcunaca na cumpleañoscunataca ruranllu carca. Shuj enciclopedia libropica ninmi, Jesuspa primero catijcunaca cumpleañoscunataca na ruranllu carca. Paicunaca cumpleañoscunataca, panda religiongunallami celebran nishpami ricun carca ninmi (The World Book Encyclopedia). Jesús cai alpapi cashpaca paipa apostolcunaman, paipa discipulocunamanmi imacunatalla rurana y na rurana cashcataca yachachishpa saquirca. Y chaitaca Bibliapimi escribishpa saquishca. Jesús imata yachachishpa saquishcatami tucui cristianocunaca pactachishpa catina capanchi (2 Tesalonicenses 3:6).

3.   Jesusca paipa catijcunataca pai huañushcata yuyarichunmi mandarca, na pai ima punlla nacirishcata yarichunga (Lucas 22:17-​20). Bibliapipash pipapash “huacharina [o nacirina] punllapaj randica, huañuna punllami ashtahuan ali” can ninmi (Eclesiastés 7:1). Jesús cai alpapi cashpaca tucui vidami Taita Diospa munaita rurashpa causarca. Chaimandami pai huañushca punllataca yarina can. Porque pai huañushca punllami pai nacirishca punllatapash yali ashtahuan importante punlla can (Hebreos 1:4).

4.   Taita Diosta sirvijcuna cumpleañosta rurashcataimanga Bibliapica ni maipi na ricuchijunllu. Bibliapica cumpleañoscunata rurashcataca parlanmi. Pero chaipica Taita Diosta na sirvishca ishcai jaricunapa cumpleañoscunamandami parlan. Y shinallata chai ishcandi cumpleañoscunapica nali cosascunapacha pasashcatami ricuchin (Génesis 40:20-​22; Marcos 6:​21-​29).

 Taita Diosca cada punllami tucuicunaman imagutapash caran. Paipa ejemplota catishpami testigo de Jehová taitamamacunaca Taita Dioshnallata paipa huahuacunataca ninanda juyan. Chaimandami ima punlla cashpapash shuj regaloguta, o shuj uchilla fiestaguta o imagutapash rurashpa paipa huahuacunataca ali yalichun ayudan (Mateo 7:​11). Paipa taitamamacuna imapash regalogucunata carajpi o paicunamanda imagutapash rurajta ricushpami Testigocunapa huahuacunaca cumpleañoscunata na rurashcamandaca na llaquilla sintirin. Chaitaca cai cati comentariocunata uyashpami cuenta japita ushapanchi:

•   12 huatata charij Tammyca ninmi: “Cungashcapi shuj regaloguta carajpimi ninanda cushijuni y feliz sintirini”.

•   11 huatacunata charij Gregoryca ninmi: “Ñuca papito y ñuca mamitaca ñuca cumpleañospica na imatapash carahuanllu. Mas bien shuj punllacunami imapash regaloguta carashpa cushichihuan”.

•   6 huatata charij Eric huahuaguca ninmi: “Shuj huahuacunaca paicunapa cumpleañospica pasteltallami micun y candaitallami candan. Pero en cambio ñuca huasipisi alipacha fiestacunatami ruranchi. Chaicunasi alipacha fiestacunami can”.