Alemania llactapi y nazis nishcacuna ocupanajuj llactacunapica más o menos 35 mil yali testigo de Jehovacunami causanajurca. Shinapash Holocausto tiashca punllacunapica más o menos mil 500 huauquipanicunami huañuchi tucurca. Shinapash huaquin huauquipanicuna imashapacha huañuchi tucushcataca na ali yacharinllu. Paicuna imashina o imamandapacha huañushcata ali yachangapaca, huaquin investigaciongunataca ruranajunrami. Chaimandami huaquin datocunaca cambiashpa catinga.

•  ¿Imashata huañuchi tucurca?

•  ¿Imamandata catiriashpa llaquichi tucurca?

•  ¿Maipita huañurca?

•  Huañuchi tucushca huaquin testigo de Jehovacuna

•   Huaquin pushtucunapimi testigocunataca huañuchirca. Alemania llactapi y nazis nishcacuna ocupanajuj huaquin llactacunapimi más o menos 400 testigo de Jehovacunata huañuchirca. Chai llactacunamandaca mayoría testigo de Jehovacunami juzgashpa huañuchi tucuna sentenciata chasquirca. Cutin huaquingunacarin imapash sentenciata o na juzgai tucushpallatami llaquinaita huañuchi tucurca.

•   Carcelcunapica llaquinaitami tratan carca. Más de mil Testigocunami carcelcunapi y campos de concentración nazi nishcacunapi huañurca. Huaquingunaca llaquinaita ninanda trabajachijpimi huañurca. Cutin shujcunaca manllanaita macai tucujpimi huañurca. Cutin shujcunacarin yarjai pasaimanda, chirimanda o shuj unguicunamandami huañurca. Shinallata huaquingunacarin Segunda Guerra Mundial tucurishca jipa libre llujshishca jipallami, llaquinaita maltratai tucushcamanda huañurca.

•   Shujcunatacarin de diferentes formasmi huañuchirca. Huaquin testigocunatacarin shuj cuarto ucupi vichashpa gasta pascashpami huañuchirca. Shujcunatacarin mushuj medicinacunata llujchingapaj paicunahuan experimentocunata rurajpimi huañuchirca. Shujcunatacarin inyectashpami huañuchishca.

 Testigo de Jehovacunataca paicunapa crishcacunata na saquingapaj munaimandami catiriashpa llaquichirca. Nazis nishcacunaca Bibliapi nishcacunapa contra imatapash rurachunmi testigo de Jehovacunataca obligan carca. Shinapash paicunaca ‘gentecunata cazunapa randica Taita Diostami pundapica cazurca’ (Hechos 5:29). Paicuna imashina ishcai cosascunapi Jehová Diosta cazushcata ricupashun.

1.   Política cosascunapica na chapurircachu. Chai tiempopi testigo de Jehovacunaca cunan tiempopi testigocunashnallatami política cosascunapica na chapurin carca (Juan 18:36). Chaimandami paicunaca cai cati cosascunapica na chapurirca:

   •   Cuartelcunaman y guerrapi imacunatapash ricunata charij cosascunapica na participarca (Isaías 2:4; Mateo 26:52).

   •   Imapash politicocunata na apoyarca y nazis nishca organizaciongunatapash na apoyarca (Juan 17:16).

   •   Esvástica nishca dibujotapash na adorarca y “Heil Hitler” nishpa saludaitapash na saludarca (Mateo 23:10; 1 Corintios 10:14).

2.   Testigocunaca paicunapa crishcacunataca nunca na saquircachu. Testigo de Jehovacunaca Taita Diosta adoranata y paipa nishcacunata ruranataca prohibidomi charirca. Shina cashpapash paicunaca Jehová Diosta adorashpami catirca. Por ejemplo:

   •   Taita Diosta adorangapaj y mañangapapash tandanajunmi carca (Hebreos 10:24, 25).

   •   Taita Diosmanda predicanataca nunca na saquircachu. Shinallata Bibliapa publicaciongunatapash utilizashpami catirca (Mateo 28:19, 20).

   •   Tucuilla gentecunatami juyaihuan ali tratan carca. Ashtahuangarin judío gentecunatapashmi juyaihuan ali tratan carca (Marcos 12:31).

   •   Testigo de Jehová canata saquinimi nishca hojatapash na firmashpami shinlli feta charishcata ricuchirca (Marcos 12:30).

 Robert Gerwarth profesorca testigo de Jehovacunamanda parlashpaca cashnami nirca: “Tercer Reich o Alemania llactapi tiashca nazi organización tiempopica, solo testigo de Jehovacunallami paicunapa crishcacunamandaca catiriashpa llaquichi tucurca” ninmi. a Shina pasashcamandami campo de concentraciongunapi cashca huaquingunaca testigo de Jehovacunataca respetashpa ricun carca. Austria llactamanda shuj prezocarin cashnami nirca: “Paicunaca guerracunamanga na rinllu. Pitapash huañuchinapa randica paicunatara huañuchichunmi saquin” nircami.

•   Campos de concentración nishca pushtucunapi. Mayoria de testigo de Jehovacunami Auschwitz, Buchenwald, Dachau, Flossenbürg, Mauthausen, Neuengamme, Niederhagen, Ravensbrück y Sachsenhausen nishca campos de concentraciongunapi cashpa huañurca. Según huaquin informaciongunaca, Sachsenhausen nishca campo de concentracionbica más o menos 200 testigo de Jehovacunami huañushca nin.

•   Carcelcunapi. Huaquin testigo de Jehovacunaca carcelpi manllanaita macai tucujpimi huañurca. Cutin shujcunaca tapuchishpa macai tucushcamandami huañurca.

•   Gentecunata huañuchij pushtucunapi. Berlin-Plötzensee, Brandeburgo y Halle/Saale nishca carcelcunapimi ashtahuanbachaca testigo de Jehovacunataca huañuchirca. Shinallata según shuj informacionbica na chai pushtucunapillachu testigo de Jehovacunataca huañuchishca, sino 70 pushtucunapipashmi huañuchishca nin.

•  Shuti: Helene Gotthold

   Berlín llactapi, Plötzensee shuti carcelpimi huañuchi tucurca

   Helene shuti huarmiguca casada y ishcai huahuacunatami charirca. Paniguca huaquin viajecunatami carcelpi churai tucurca. Shinallata 1937​pica vijsayumi carca. Shinapash carcelpi ninanda maltratajpimi huahuagutapash chingachirca. Ashtahuangarin 8 de diciembre de 1944​pica Berlín llactapi, Plötzensee nishca carcelpimi panigutaca guillotina nishca jatun maquinapi churashpa huañuchirca.

•  Shuti: Gerhard Liebold

   Brandeburgo llactapimi huañuchi tucurca

   Gerhard huauquica 6 de mayo de 1943 huatapimi huañuchi tucurca. Paica solo 20 huatacunatallami charirca. Ishca huatacuna huashaman paipa taitata huañuchishca carcelpillatami huauquitaca huañuchirca. Gerhardca cashna nishpami paipa familiaman y paipa noviamanbash shuj cartata escribirca: “Jehová Dios ayudajpillami cai tucui llaquicunataca aguantai ushashcani” nishpa.

•  Shuti: Rudolf Auschner

   Halle/Saale llactapimi huañuchi tucurca

   Rudolf huauquica 22 de septiembre de 1944​pimi huañuchi tucurca. Paica solo 17 huatacunatallami charirca. Paica mamaman shuj cartaguta escribishpami cashna nirca: “Ashtaca huauquipanicunami Jehová Diosta sirvimanda llaquichi tucushca y ñucapashmi shinallata llaquichi tucusha” nishpa.