Si pipash bautizarishpa testigo de Jehová tucushca jipa, ñana predicashpa y reuniongunaman rinata saquijpica, Testigocunaca na paimandaca alejarichichu. Mas bien espiritualmente ali tucuchun ayudangapaj y tigramuchun animangapami esforzarinchi

 Shinapash si shuj Testigo imapash jatun nalita o imapash graveta rurashpaca congregacionmandaca expulsai tucuita ushanmi. Pero na siemprechu shina pasan. Bibliapi imata mandajujta cutin cutin na cazushpa y na arripintiringapaj munaimandami congregacionmandaca expulsai tucun. Expulsai tucujpica, congregacionmandacunaca paimanda alejarinmi. Porque Bibliapica clarotami nijun, “jatun nalita rurashpa causaj runataca, cangunapuramandaca Ilujchinami canguichi” nishpa (1 Corintios 5:13).

 Y si shuj jari expulsai tucun pero paipa huarmi y huahuacuna testigo de Jehovacuna cashpa catijpica ¿imata pasan? Aunque espiritual cosascunata ñana paipa familiahuan ruraita ushashpapash, paicunahuanga familiami cashpa catin. Chaimi tanto paipa huarmihuanbash como paipa huahuacunahuanbash juyaihuan tratarishpa catita ushan.

 Congregacionmanda expulsai tucushcacunaca reuniongunaman rishpa catita ushanmi. Y munashpaca congregacionbi ancianocuna espiritualmente ayudachunbashmi ayudata mañaita ushan. Chai ayudataca cutin testigo de Jehová tucungapaj requisitocunata pactachingapaj munaimandami mañana can. Shuj expulsado paipa nali, mapa ruraicunata saquishpa, Bibliapi imata mandashcata cazushpaca cutinmi congregacionman tigraita ushan.