Testigo de Jehovacunaca Bibliamanda yachachingapaj ayudacunata utilizashpami Bibliamanda yachajungapaj munaj gentecunataca yachachin. Bibliata yachajunaca caicunapimi ayudaita ushan:

•   Shuj cushilla causaita charichun.

•   Taita Diospa amigo tucuchun.

•   Shamuj punllacunapi shuj ali causaigu tianata yachajuchun.

Caipica cai tapuicunatami contestashun:

•  Bibliamandaca ¿imashinata yachachinchi?

•  Bibliamanda yachajungapaca ¿imatapash paganachu cani?

•  Bibliamanda yachajunaca ¿mashna tiempotata paran?

•  Bibliamanda yachajungapaca ¿maimandata callarina cani?

•  Bibliamanda ¿imashina yachachijta ricungapajlla yachajuita ushanichu?

•  Bibliamanda yachajushpaca ¿maimandapachachu Testigo de Jehová tucuna cani?

•  ¿Ñuca propio Bibliata utilizaita ushanichu?

•  Bibliamanda yachajujushpaca ¿pitapash invitaita ushanichu?

•  ¿Testigo de Jehovacunahuan Bibliamanda ña yachajushca cashpapash cutin yachajushpa catita ushanichu?

•  Ñuca sololla Bibliamanda yachajungapaca ¿imapash ayudacuna tianllu?

 Shuj Testigo de Jehovami Bibliamanda yachajuchunga tema por tema yachachinga. Cushilla causapashunchi nishca libromanda yachajushpami Bibliapi imata yachachijushcataca asha asha intindipangui. Shinallata imashina quiquinba causaipi ayudajtapashmi yachajupangui. Caimanda ashtahuan yachangapaj munashpaca cai videota ricupai.

 Na. Jesús paipa discipulocunaman imata rurachun nishcatami ruranchi. Jesusca nircami: “Gratismi chasquircanguichi y gratismi cuna canguichi” (Mateo 10:8, La Biblia. Traducción del Nuevo Mundo [TNM]). Bibliamanda yachachijcunamanga imatapash na paganachu capangui. Shinallata Bibliata o Cushilla causapashunchi nishca librota mañashpapash, imatapash na paganachu capangui.

 Cushilla causapashunchi libroca 60 lecciongunatami charin. Quiquin usharishca tiempoguta ricushpami yachajuita ushapangui. Huaquin gentecunaca cada semanami shuj leccionda yachajun. Cutin huaquingunaca ashtahuan lecciongunatami yachajungapaj munan.

1.  1. Cai paginapi quiquinba datocunata jundachipai. Quiquinba datocunataca, quiquinda cayangapallami utilizapashun.

2.  2. Bibliamanda quiquinman yachachigrijujmi quiquinda cayapanga. Bibliamanda yachachijca Bibliamanda imashina yachachigrijushcatami villapanga. Shinallata quiquin charishca tapuicunatapashmi contestapanga.

3.  3. Bibliamanda yachachijhuami ima hora yachajunataca de acuerdo quidana capangui. Bibliamanda yachajungapaca quiquinba huasillapita, telefonopi cayashpa o video llamadata rurashpami yachajuita ushapangui. Bibliamanda yachajunaca más o menos shuj horastami paraita ushan pero quiquin munashpaca, ashalla o ashtahuan horascunatami yachajuita ushapangui.

 Ari. Chaipaca cai paginapi quiquinba datocunata jundachipai. Bibliamanda yachachingapa cayajpica, imashina Bibliamanda yachachijta ricungapajllami yachajungapa munani nishpami nita ushapangui. Shina nijpimi Cushilla causapashunchi nishca folletota utilizashpa yachachipanga. Chai folletoca quimsa lecciongunatallami charin.

 Na. Testigo de Jehovacunaca gentecunaman Bibliamanda yachachinataca ninandami gushtan. Shinapash Bibliamanda yachajujcunata paicunapa religionda saquishpa Testigo de Jehová tucuichi nishpaca nunca na obliganllu. Bibliapi imata nijtami respetohuan yachachin. Shinallata cada uno imata crijtami respetan (1 Pedro 3:15).

 Ari. Quiquin charishca Bibliatami utilizaita ushapangui. Testigo de Jehovacunaca Traducción del Nuevo Mundo Biblia cabal traducishca caimanda, ashtahuan intindirinalla caimandami chai Bibliata utilizapanchi. Shinapash huaquin gentecuna paicunapa propio Bibliahuan yachajungapaj munajtaca alimi yachapanchi.

 Ari. Quiquinba familiata o pitapash invitaita ushapanguillami.

 Ari. Punda yachajushcatapash yalimi Bibliamanda yachajunataca gushtapangui. Cunanga gentecuna yachangapa munashca yuyaicunatami yachachinchi. Shinallata videocunata, shuj shuj ayudacunatami Bibliamanda yachachingapaca charipanchi.

 Ari. Huaquingunataca pipash yachachichunmi munan. Cutin huaquingunaca sololla yachajunatami gushtan. “Bibliamanda ashtahuan yachajungapaj” nishca parteman yaicushpami, Bibliamanda yachajungapaj ashtaca ayudacunata tarita ushapangui. Bibliamanda yachajungapaj huaquin ayudacunaca caicunami can:

•   Bibliamanda yachachij videocuna. Chai partepica Bibliamanda yachachij huaquin videocunami can.

•   Bibliapa tapuicuna. Caipica Bibliamanda yachangapaj munashca tapuicunapa respuestatami shuj shuj informaciongunapi tarita ushapangui.

•   Bibliapa aliguta intindichishca textocuna. Chaipica Bibliapa rijsishca textocunatami ashtahuan intindichin.