Na. Testigo de Jehovacunaca vacunacuna nali cashcataca na ninllu. Testigo de Jehovacunaca vacunarinata o na vacunarinataca cada uno decidina cashcatami ricunchi. Chaimandami ashtaca testigo de Jehovacunaca vacunarinata decidin.

 Ali doctorcunatami mascanchi. Millai unguicuna ama japichun doctorcuna shuj shuj jambicunata llujchishcamandami agradicinchi. Llaquicuna tiashcapi doctorcuna ayudashcamandaca ninandami agradicinchi.

 Testigo de Jehovacunaca hospitalcunatami ayudashca. COVID-19 ungui callarishcamandapachami Testigo de Jehovacunaca COVID-19 unguimanda cuidaringapaj imata rurana cashcataca ashtaca shimicunapimi cai página de internetpi villanajushca. Chai villaicunapimi gentecunamanda carulla cana cashcata, tandanajuicunatapash na chari ushana cashcata, maquita maillarina cashcata, mascarillata churajunata, shinallata cuarentenata rurana cashcatapashmi villashca. Shinallata autoridadcuna imallata rurachun mandashcacunatapashmi villashca (Romanos 13:1, 2).

 Ashtaca huatacunata testigo de Jehovacunapa publicacionbica saludmanda yachachishca.

•   Saludmanda cuidarinataca cada unomi decidina can (Gálatas 6:5).

   8 de Febrero de 1987 huatapa Rijcharipaichi revistapica cashnami nin: “Cai revistapica imapash pastillacunata ufiachun nishpa o imapash terapiacunami ali can nishpaca na mandanllu. Shinallata maijan doctorcuna ali cajta o nali cajtapash na ninllu. Cai revistapica cada uno saludmanda imata ruranata decidichunllami ayudan”.

   22 de Agosto de 1965 huatapa Rijcharipaichi revistapica cashnami nin: “Quiquin vacunarina cashcata, quiquinba huahuacunapash vacunarina cashcataca cada unomi decidina can”.

•   Ñucanchi causaita valichishcamandami doctorcunapa ayudata mascanchi (Hechos 17:28).

   1 de Julio de 1975 huatamanda Villajun revistapica cashnami nin: “Testigo de Jehovacunaca paicunapa saludpi nali cashpami, doctorcunapa ayudataca ñapash mascan. Causaita juyaimandami nanaicunahuan nara ashtahuan imapash tucushpallata doctorcunapa ayudataca mascan”.

   1 de Febrero de 2011 huatapa Villajun revistapica cashnami nin: “Testigo de Jehovacunaca doctorcunapa ayudata japina nali cashcataca na ninllu. Punda tiempopi Jesusta catij Lucasca doctormi carca. Lucas cuendami huaquin Testigo de Jehovacunapash doctor tucushca. Testigo de Jehovacunaca doctorcunapa ayudataca ninandami valichipanchi. Shinallata paicunapa trabajota alipacha pactachimandami ninanda agradicipanchi”.