Cada quilla Diospa Reinomanda ali villaicunata villachijcunallami testigo de Jehovacuna can (Mateo 24:14). Chai villachijcunamandaca ashtacacunami Testigo shina bautizarishca can. Cutin shujcunaca nara bautizarishca cashpapash villachingapami llujshin.

 Na. Pipash paipa munai culquiguta carashpapash, Testigo cangapaj o Jehovapa organizacionbi imapash responsabilidadcunata chasquingapaca culquitaca na cunachu can (Hechos 8:18-20). Chaimandami pi culquiguta carajushcataca pipash na yachanllu. Mundo enteropi villachishpa catichun ayudangapaca Testigocunaca paicunapa munaimi tiempotapash, fuerzatapash, culquitapash utilizan (2 Corintios 9:7).

 Tucui quillacunami Testigocunaca paicunapa munai mashna horascunata villachishcata shuj informe hojaguta paicunapa llactapi congregacionman cun.

 Chaimi cada Testigo villachishca informecunata tandachishpa Betelpi sirvij huauquicunaman cachapanchi. Chai jipaca cada llactamanda Betelcunaca villachishca informecunataca Jatun Betelmanmi cachan.

 Cada huata tucuripimi a cada llactapi mashna Testigocuna tiashcata ricun. Shinami mundo enteropi mashna Testigocuna tiashcata yachai ushapanchi. Internetpi, jw.org paginapi, “Mundo enteropi testigo de Jehovacuna” nishca partepimi cada llactamanda villaicunata churapashcanchi. Apostolcunapa punllacunapi Jesusta catijcuna cashna villaicunata ricushpa cushijushcashnami, cai villaicunata ricushpaca ñucanchicunapash ninanda cushijupanchi (Hechos 2:41; 4:4; 15:3).

 Na. Paicuna na Testigocuna cajpipash ñucanchi tandanajuicunaman shamujpica cushijushpami chasquipanchi. Paicunamandaca casi tucuicunami cada huata Jesús Huañushcata Yaringapaj Tandanajuiman shamun. Shinaca paicuna mashnacuna cashcata más o menos yachangapaca cai tandanajuiman mashna gentecuna shamushcata ricushpa, mashna Testigocuna tiashcatapash ricushpami chimbapurashpa ricuna capanchi. 2023 huatapica 20.461.767 gentecunami Jesús Huañushcata Yaringapaj Tandanajuiman shamurca.

 Tandanajuicunaman na shamuj ashtaca gentecunami Bibliamanda gratis yachajunajun. 2023 huatapica 7.281.212 gentecunami cada quilla Bibliamanda yachajunajurca. Huaquinbica Testigocunaca huaquin gentecunamanga chai ratopillatami Bibliamanda yachachinajurca.

 Gobiernocunapa censota rurajcunaca cada unotami “¿ima religionmanda capangui?” nishpa tapun. Por ejemplo, Oficina del Censo de Estados Unidosca ninmi: “Tucui gentecuna ima religión cashcata yachangapami shina tapunchi” nishpa. Shinallata: “Ima religionmanda cashcataca gentecunata tapushpallami yachaj chayanchi. Paicuna chai religionmanda cangapaj imata rurashcataca na ricunchichu” ninmi. Cutin ñucanchica testigo de Jehovami cani nijcunataca na cuentanchichu. Chaipa randica Diospa Reinomanda ali villaicunata villachij, villachishca horascunata shuj informepi churaj gentecunatallami testigo de Jehová shina cuentapanchi.