Huaquin gentecunaca ninmi: Testigocunaca, doctorcunaca na jambi ushangachu yashpami doctorcunapa tratamientocunataca na catingapaj munan ninmi.

 ¿Imatata Testigocunaca nin? Testigo de Jehovacunaca, ali tramientocunata cuj doctorcunatami mascapanchi. Ñucanchi o ñucanchi familiacuna ungujpi o operanaiman tucujpica ¿imatata rurapanchi? Ñucanchicunaca, yahuar illa operangapaj shuj shuj tecnicacunata utilizashpa experienciata charij doctorcunatami mascapanchi. Medicina partepica, yahuar illa operangapaca ashtacatami doctorcunaca avanzashca. Doctorcuna ashtahuan ashtahuan avanzadocuna cashcamandaca cushijupanchimi. Tauca llactacunapi doctorcunacarin, Testigocunata yahuar illa operangapaj utilizashca tecnicacunatallata utilizashpami shuj gentecunatapash operanajun. Yahuarta o transfusión de sangreta aceptaimandaca huaquin riesgocunami tian. Por ejemplo, shuj shuj unguicuna chimban, cadano yahuartapash cuerpoca na aceptan o doctorcunapashmi transfusión de sangreta rurashpaca, imagupipash huaquinbica pandarin. Chai riesgocuna tiashcamandami, na Testigo gentecunapash yahuar illa tratamientocunata mascan.

Huaquin gentecunaca ninmi: Testigo de Jehovacunaca, curación por fe nishcacunapimi crin nishpa.

 ¿Imatata Testigocunaca nin? Testigo de Jehovacunaca, curación por fe nishcacunataca nunca na rurapashcanchichu.

Huaquin gentecunaca ninmi: Transfusión de sangreta ama rurangapaj diferente tecnicacunata utilizanaca yapa valishcami can nishpa.

 ¿Imatata Testigocunaca nin? Aunque valishca cashpapash ashtaca beneficiocunami tian. a

Huaquin gentecunaca ninmi: Cada huatami ashtaca Testigocuna y hasta Testigo huahuacunapash transfusión de sangreta na aceptaimandaca huañun nishpa.

 ¿Imatata Testigocunaca nin? Chaica na ciertochu can. Cunanbi cirujanocunaca, operaciones ortopédicas nishcacunata, operaciones de corazón y transplante de órgano nishcacunata y shuj shuj difícil operaciongunatapashmi transfusión de sangreta na rurashpa operanlla. b Transfusión de sangreta na aceptashca pacientecuna y hasta huahuacunapashmi, transfusionda aceptashca pacientecunahuan igual recuperarin o hasta mejorpash recuperarinata yachan. c Imashina cajpipash, nipi na con total seguridad nita ushapanchichu, yahuarta na churarishca pacienteca huañungami nishpa o yahuarta churarishca pacienteca salvaringami nishpa. Yahuarta churarijpi huañunata o salvarinataca na totalmente yachaita usharinllu.

 Medicina partemandaca na imatapash nipanchichu. Pero religión partemandami yahuartaca na churaripanchi. Bibliapica, tanto Antiguo Testamentopipash tanto Nuevo Testamentopipash Taita Diosca yahuarmandaca jarcarinami canguichi nijunmi (Génesis 9:4; Levítico 17:10; Deuteronomio 12:23; Hechos 15:28, 29). Ashtahuangarin Taita Diosca, causaica yahuarpimi can ninmi (Levítico 17:14). Shinaca, testigo de Jehovacunaca, causaita cuj Taita Diosta respetaimandami, Bibliapi imata mandajujta cazushpa yahuartaca na churaripanchi.

 Yalishca huatacunapi doctorcunaca, yahuar illa operangapaj tecnicacunaca peligrosopachami can, transfusión de sangreta na aceptashpa o yahuarta na churarishpaca gentecunaca suicidarinajuj cuendami can nishpami pensan carca. Pero chai yuyaicunaca, cunanbica cambiashcami. Por ejemplo año 2004​pica, shuj revista de medicinapica cashnami nijurca: “Jipa huatacunamanga, testigo de Jehovacunata yahuar illa operangapaj utilizashca tecnicacunata catishpami operaciongunataca rurana tucugrinchi” nircami. d Cutin año 2010​pica, Medicina transfusional nishca libropica, Testigocunata yahuar illa operana tecnicacunaca alipachami cashca ninmi. Chaimandami nin: “Imashinami cunanbica cirugía ambulatoriata ruranaca fácil y normal can, shinallatami Testigocunapi utilizashca tecnicacunata utilizashpa yahuar illa operaciongunata ruranaca fácil y normal canga” ninmi.

 Mundo enteropi ashtaca ashtaca doctorcunami, técnicas de ahorro de sangre nishcacunata o yahuarta ahorrana tecnicacunata utilizashpa difícil operaciongunataca ruranajun. Técnicas de ahorro de sangre o yahuarta ahorrana tecnicacunaca pobre llactacunapipashmi tian. Na Testigo gentecunapashmi, doctorcunaca yahuarta ahorrana tecnicacunata utilizashpa operachun munan.