Testigo de Jehovacunaca estudianamandaca Bibliapa consejocunata catishpami imata ruranataca decidin. Shinallata cada testigo de Jehovami cai cati temacunapi imata ruranataca decidina can. a

•  Estudianaca importantemi can

•  Ñucanchipa beneficiota ricushpami estudiana can

•  Universidadcunapica huaquin peligrocunami tian

•  ¿Testigo de Jehovacunaca huahuacunata Bibliamanda yachachingapaca apartechu escuelacunataca charin?

 Estudianaca ‘ali yuyaita charichun’ shinallata ali decisiongunata agllachunmi ayudan. Y shina rurachunmi Bibliapipash yachachin (Proverbios 2:10, 11; 3:21, 22). Jesuspashmi paipa discipulocunataca, cangunaman imata yachachishcataca shuj gentecunamanbashmi yachachina canguichi nishpa mandarca (Mateo 28:19, 20). Chaimandami testigo de Jehovacunaca randimanda ayudarinchi. Por ejemplo, si pipash liinata, escribinata o gentecunapa ñaupapi ali parlanata na yachajpica b paicunallata ali yachajuchunmi ayudapanchi. Shinallata shuj gentecunapa costumbrecunamanda y religiongunamandapash yachajuchunmi ayudapanchi (1 Corintios 9:20-22; 1 Timoteo 4:13).

 Gobiernopashmi estudianaca minishtirishcami can nin. Chaimandami gobiernoca escuelata y colegiota tucuchinaca obligatoriomi can nin. Bibliapipash cashnami nin: “Ñucanchita mandanajuj autoridadcunataca tucui gentecunami cazuna capanchi”. Chaimandami testigo de Jehovacunaca gobiernocunataca cazupanchi (Romanos 13:1). Shinallata testigo de Jehová jovengunataca esforzarishpa ali estudiantecuna cachunmi animapanchi. c Bibliapipash cashnami nin: “Imata rurajushpapash gentecunapa rurajunshnaca na ruranachu capanguichi. Sino Jehová Diospa rurajunshnami imata cashpapash tucui shunguhuan, tucui fuerzahuan rurana capanguichi” ninmi (Colosenses 3:23).

 Estudianaca familiatapash ali cuidachunmi ayudan. Bibliapica cashnami nin: “Si pipash paipa propio familiata na mantinishpa, ashtahuanbachaca paipa huasi ucupi causajcunata na mantinishpaca, feta ñana charishcatami ricuchijun. Shina rurajcunaca, Taita Diospi na crij gentecunatapash yali peormi can” ninmi (1 Timoteo 5:8). Estudianaca Bibliapi mandashcashna familiata mantini ushachunmi ayudan. Shinallata The World Book Encyclopedia nishcapipash cashnami nin “estudiana o educacionda chasquinaca gentecuna ali trabajadorcuna cachunmi ayudan” ninmi. Por ejemplo, ali estudiashca personaca shuj trabajoguta ñapash tarishpa, trabajotapash seguro charishpa familiatapash ali cuidachunmi ayudan. Cutin na estudiashca personapaca causaica dificilmi caita ushan (Proverbios 22:29).

 Taitamamacunaca huahuacuna jatunyashpa ali personacuna cachun, trabajadorcuna cachun munashpami estudiachin. Y chaita ruranaca alimi can (2 Corintios 12:14). Huahuacunata estudiachingapaj pagana cajpipash o escuelacunaman cachana costumbreta na charij pushtucunapi d causashpapash taitamamacunataca huahuacunata estudiachichunmi animapanchi. Huahuacuna ali estudiantecuna cachun taitamamacuna imashina ayudai ushajta ricuchij consejocunapashmi tian. e

 Aliguta ricushpami estudianataca agllana. Bibliapica cashnami nin: “Na yachajushca runaca, imata nijpipash tucuita crinllami. Ashtahuangarin ali yachajushca runaca, imata rurangapajpash aliguta yarinrami” nijunmi (Proverbios 14:15). Cai consejota catishpami, colegiota tucuchishca jipa ima cursocunata catinata o na catinataca cada uno decidina can. Chaipaca estudiangapaj culquiguta suficienteta charijta o na charijtami ali ali calculana can. Y si estudiagrijuj carrera ciertopacha jipaman ayudanata o na ayudanatami ricuna can. Por ejemplo, huaquin cursocunaca asha tiempopilla estudiashpa imagupapash preparado cachunmi ayudan.

 Bibliata yachajunami colegiopi o universidadcunapi estudianatapash yali ali can. Bibliata estudianaca Taita Diosmanda yachajuchun y para siempre causaiguta charichunmi ayudan (Juan 17:3). Shinallata Bibliata yachajunaca ali personacuna cachunmi ayudan. Shinallata ‘alita ruranata, ali yuyaita charinata, tucuipa ali cachun ruranata, tucuipi ali causanatapash’ yachachin (Proverbios 2:9). Apóstol Pablopashmi cunanbi rijsishca universidad nishcacunata catirca. Shinapash “Cristo Jesusmanda yachajushca yuyaicunaca, alipacha ninan valishcami can” nircami (Filipenses 3:8; Hechos 22:3). Apóstol Pabloshnallatami cunanbica ashtaca testigo de Jehovacuna universidadcunata estudiashca, shinapash Bibliata estudiana o yachajunami ñucanchipaca ashtahuan valishca can nishca. f

 Bibliapica cashnami nin: “Ali yuyaita charij runaca, ima llaqui japinata ricushpaca pacajunmi” ninmi (Proverbios 22:3). Testigo de Jehovacunaca universidadcunapi huaquin peligrocuna tiajtaca alimi yachapanchi. Por ejemplo: Nali munaicunapi urmana peligrocuna y nali ruraicunata rurana peligrocuna tiajtami yachapanchi. Shinallata Taita Diosmanda caruyana peligropash tiajtami yachapanchi. Chaimandami ashtaca testigo de Jehovacunaca universidadta na estudianata decidishca. Shinallata paicunapa huahuacunatapash universidadcunaman na cachanata decidishca. Porque chaicunapica cai peligrocunami tian. Por ejemplo:

•   Culquita charinami cushilla tranquilo ali causachun ayudan

   Universidadta estudiashpallami alipacha pagaj trabajota taririn nishpami gentecunaca pensan. Chaimandami ashtacacunaca universidadpi estudianataca decidishca. Gentecunaca culquita charishpallami ali causaita charinata pensan. Pero shina pensanaca na alichu can. Porque Bibliapica chaica na ciertochu can nishpami yachachi (Eclesiastés 5:10). Ashtahuangarin Bibliapica cashnami nin: ‘Culquita juyanami tucui laya nali ruraicunata callarichin. Y culquita juyaimandami, huaquingunaca Taita Diospi’ confianatapash saquishca nin (1 Timoteo 6:10). Chaimandami testigo de Jehovacunaca ‘ama ashtahuan charina munaicuna pandachichun’ ninanda cuidaripanchi (Mateo 13:22).

•   Universidadta estudianaca famoso tucuchunmi ayudan

   Ex primer ministro de Georgia, Nika Gilauri shutica cashnami nin: “Georgia llactapica universidadta estudianaca obligatoriomi can. Ashtahuangarin universidadman rinaca, gentecunata ashtahuan importante ricurichunmi ayudan” ninmi. Shinallata caitapashmi nin: “Pundaca pipash universidadmanda shuj titulota na charishpaca familiatami g pingaipi churan carca” nishpami nin. Pero Bibliapica cai mundopi famoso o rijsi tucunataca na mascanachu canguichi nishpami yachachin. Por ejemplo, punda tiempopi religionda ñaupaman pushajcunataca Jesusca cashnami nirca: “Shuj gentecuna cangunata alabachun gushtashpaca ¿maitata ñucapi critaca ushanguichiyari?” nircami (Juan 5:44). Universidadcunapi estudianaca orgulloso cana yuyaita charichunmi yachachin. Y gentecuna orgulloso o jariyashcacuna cachunga Jehová Diosca na gushtanllu (Proverbios 6:16, 17; 1 Pedro 5:5).

•   Cada unomi ima ali cajta, ima na ali cajtaca decidina can nishpami yachachin

   Testigo de Jehovacunaca solo Jehová Diosllami ima ali cajta, ima na ali cajta nina derechota charijtami crinchi (Isaías 5:20). Shinapash imashinami shuj revistapica nin, universidadpi cumbacunaca alipa o nalipami ñucanchi causaipica afectaita ushan ninmi. Porque chaipimi “cumbacunaca ñucanchi crishcacunata o ñucanchi yuyaicunatapash cambiachita ushan” nin. h Cai revistapi nishcashnami Bibliapipash cashna nin: “Nali gentecunahuan llevarishpaca alita ruranajushcatapashmi cunganguichi” ninmi (1 Corintios 15:33). Universidadcunapica nali cosascunata rurachunga saquinllami. Por ejemplo, machanata, drogacunata chupanata y nara cazarashpallata shuj jarihuan o shuj huarmihuan pacta canataca saquinllami. Y chaicunataca normaltashnami ricun (1 Corintios 6:9, 10; 2 Corintios 7:1).

•   Universidadta estudiashpallami ali causaita charita usharin

   Na tucui gentecunachu famoso cana munaimanda o ashtaca culquita charina munaimandaca universidadtaca estudiashcachu. Más bien paicunaca, cai mundopi ashtaca cosascunata cambiangapaj munaimanda o paicunallata ali personacuna cangapaj munaimandami universidadpi estudianataca decidishca. Shina pensanaca alimi can. Pero Jesús cuendami testigo de Jehovacunaca pensapanchi, de que solo Jehová Diospa Gobiernollami cai mundotaca alipa cambiaita ushan (Mateo 6:9, 10). Chaimandami Jehová Diospa Gobierno cai mundota mandangacamanga, ñucanchipash Jesuspa ejemplota catishpa pai rurashcashnallata ‘Taita Diospa Gobiernomanda ali villaicunata tucui llactapi gentecunaman predicanajunchi’. Y shina ruraimandami mundo enteropi ashtaca gentecunata shuj ali causaiguta charichun ayudanajupashcanchi (Mateo 24:14). i