ROMA llactapa Bollate nishca carcelpi testigo de Jehovacuna ali trabajocunata rurajta ricushpami, chai carcelpi mandaj autoridadcunaca testigo de Jehovacuna paicunapa tandanajuicunata charichunmi shuj cuartota cungapaj decidirca.

Carcelpa director Massimo Parisica carcelpi cajcuna paicunapa causaipi cambiarichunmi tandanajui tiachunga saquinchi ninmi. Paica ninmi: “Carcelpi cajcuna cutin esperanzata charichunga tucuitami ruranchi. Chaimandami testigo de Jehovacunapa tandanajui cai carcelpi tiachunga saquishcanchi, Taita Diosmanda yachajuna ashtahuan importante cashcatami yachanchi. Ña 13 huatacunatami carcelpi cajcunaman testigo de Jehovacuna Bibliamanda yachachichunga saquishcanchi. Director Parisica cashnami nin: “Testigo de Jehovacunaca ashtaca huatacunatami carcelpi cajcunamanga Bibliamanda yachachishpa ayudashca. Paicunapa causaipi cambiocunata rurashcatami ricushcanchi. Chaimi carcelpi causaj gentecunaman testigo de Jehovacuna Bibliamanda ashtahuan yachachichunga shuj ucuta cungapaj munarcanchi”. Carcelpi cajcunaca chai shuj quillacunapica Testigo de Jehovacunapa tandanajuimanga ishcai viajetami cien yalijcuna tandanajurca.

Italia llactamanda Christian Di Blasio huauquica cashnami nin: “Bollate cárcel ucupi autoridadcuna Taita Diosmanda yachachichun shuj Tandanajui huasi tiachun saquishcamandaca ninandami cushijunchi. Carcelpi caj gentecuna Bibliamanda yachajushpa catichunmi ayudangapaj munapanchi”.

Contactos para la prensa:

Internacional: David Semonian, Oficina de Información Pública, + 1 718 560 5000

Italia: Christian di Blasio, + 39 06 872941