19 DE MARZO DE 2024 | ACTUALIZARISHCA FECHA: 23 DE ABRIL DE 2024
RUSIA

CARCELPI CASHCA HUAUQUICUNAHUAN IMA PASASHCATA VILLAPANCHI: SHUJ CUSAHUARMIGUTACA CULPABLE NISHPAMI VILLASHCA | ‘Jehovami ñucataca consolahuajushca’

Cai idiomapi uyangapaj o ricungapaj

22 de abril de 2024pica Kamchatka llactapa Petropávlovsk-Kamchatski nishca pushtupi tiaj Tribunal Municipalpimi huauqui Serguéi Chechulin y paipa huarmi Yelena Chechúlinataca culpablecunami can nishpami villarca. Ishcai huatata carcelpi cachunmi condenarca. Pero cunan horascamanga cai casoca suspendirishpami quidashca can. Shinapash cai cusahuarmigucunaca nara librepachaca canllu.

Huauquipanigupa datocuna

Serguéi Chechulin

Nacirishca huata: 1968 (Tymlat, territorio de Kamchatka).

Huauquigupa causai: Huauquiguca shuj orfanatopimi viñarca. Paica calefacción nishcacunata arreglashpami trabajan.

Sergueipa shuj amigomi Bibliamanda yachajui callarishcarca. Cai amigomi paitaca testigos de Jehovacunapa tandanajuiman invitarca. Cai tandanajuipimi Sergueica pai charishca tapuicunapa respuestata tarirca. Huauquiguca huata 1995pimi bautizarirca.

Panigu Yelenahuanga huata 2milpimi cazararca. Y shuj churigutami charin.

Huauquigutaca imacunallata pasashca

Huauqui Serguéi ¿quiquinda y quiquinba huarmigutaca Bibliapa maijan textocunata ayudapashca?

Maijan llactaman ritapash na ushanchichu. Autoridadcunaca ñucanchi carrotapash quichushpa bancomanda ñucanchi culquita llujchichunbash na saquinllu. Shinapash cunanbimi Salmo 55:22pi shimicunataca ashtahuan intindipani. Chai textopica: ‘Llasha quipishna cambaj llaquitaca, Mandaj Diosman saquilla. Paica ayudangallami. Alita rurajtaca, tucui causaipi llaquita apajuchunga na saquingachu’ ninmi. Jehová Diosca fuerzata cushpa ayudasha nishpami prometishca. Jehová ayudajushcamandami cai llaquicunata charishpapash na desanimaripashcanchi. Ñucanchicunaca Jehová Diospi y huauquipanicunapi ashtahuan confianatami yachajupashcanchi. Cunanga tucui usharishcaguta rurashpa Jehová Diosta sirvingapami munapanchi.

Yelena Chechúlina

Nacirishca huata: 1978 (Petropávlovsk-Kamchatski).

Panigupa causai: Enfermera shinami trabajan.

Yelena panigupa mamami testigo de Jehovacunahuan Bibliamanda yachajui callarirca. Chaita ricushpami Yelena paniguca Taita Diosman quimirina cashcata cuenta japirca. Chaimandami Bibliamanda paiman yachachichun mañarca. Paniguca huata 2milpimi bautizarirca.

Huata 2milpimi Sergueihuanga cazararca.

Panigutaca imacunallata pasashca

Panigu Yelena, ¿cai llaquicunaca imashinata Jehová Diosta ashtahuan rijshichun ayudapashca?

Cai llaquicunata charimanda Bibliata ashtahuan intindi ushashcatami cuenta japipashcani. Por ejemplo cai llaquicunahuan cashpami Romanos 8:38, 39pi Apóstol Pablo escribishca shimicunataca ashtahuan intindipashcani. Chai textopica: “Ñucaca Taita Diospash, ñucanchi Señor Cristo Jesuspash ñucanchita juyajtaca seguromi capani. Ñucanchitaca ni huañui, ni causai, ni angelcuna, ni gobiernocuna, ni cunanbi tiashca cosascuna, ni jipaman tiana cosascuna, ni ima podercuna, ni alipi canapash ni nalipi canapash ni Taita Diospa ima shuj rurashcacunapash paicunapa juyaimandaca na separaita ushangachu” ninmi. Jehová Dios ñucata juyashcata ricuchichunga nima na jarcaita ushanllu. Ashtahuanbash Jehová Diosca pai ñucata juyaihuan consolajushcata cuenta japichunbashmi ayudahuashca. Jehová Diosca siempremi ñucanchita juyashcataca ricuchishca. Cai llaquicunata aguantana jipa punllacunapi imapash llaquicunata aguantachunmi ayudahuanga.

Huauqui Serguéi y panigu Yelenashnallatami ñucanchipash Jehová Dios carashca Bibliagutaca ninanda valichipanchi. Imapash llaquicuna ricurijpipash Jehová Diosta na saquishpa sirvichunmi Bibliaca fuerzata y ali yachaita charichun ayudan (Salmo 19:7).

Llaquicunataca cai fechacunapimi huauquipaniguca charirca

25 de septiembre de 2022

Juiciopami huaquin cosascunata rurai callarin.
17 de octubre de 2022

Huasiman yaicushpami shuj shuj cosascunata mascan.
6 de septiembre de 2023

Huauqui Sergueitaca shuj llactacunaman ama viajachunmi prohibin.
7 de septiembre de 2023

Panigu Yelenataca shuj llactacunaman ama viajachunmi prohibin.
26 de diciembre de 2023

Juiciocunami callarin.

Cai temacunata ashtahuan liipai

VILLAICUNA

Testigo de Jehovacunaca paicunapa crishcacunamandami carcelpi churai tucushca | Rusia

Rusia llactapi testigo de Jehovacunaca paicunapa crishcacunamandami prezo can. Paicuna ima pasashcata ricupai. Cunanbi mashna Testigocuna prezo cashcata ricuchij listagutami impriminalla capangui.

VILLAICUNA