3 de diciembre de 2022​pica, Angola llactapa comité de sucursalpi sirvij Samuel Campos huauquimi Mateo y Hechos librocuna chokwe, ibinda nishca shimicunapi llujshishca nishpa villarca. Cai librocuna llujshishcataca shuj grabashca programapimi yalichirca. Cai programataca 2 mil gentecunami ricuita usharca.

2007 huatapimi chokwe shimipi primer grupoca tiai callarirca. Cunanbica Angola llactapica chokwe shimipi congregaciongunaca 10 purami can. Cutin República Democrática del Congo llactapica 23 congregaciongunami tian.

Chokwe shimipi traducishpa ayudaj shuj traductorca cashnami nirca: “Huaquin Bibliacunami chokwe shimipi tian. Shuj Bibliapi yuyaicunaca fácil intindirinallami can. Pero chai Bibliapica shuj shimicunamanmi cambiashca. Cutin shuj Biblia completo traducishca cashpapash intindingapaca dificilmi cashca. Pero cunan traducishca Bibliata liishpaca Jehovahuan parlajunshnami sintirini”.

2014 huatapimi ibinda shimipi shuj congregación tiai callarirca. Cunanga 13 congregaciongunami tian. Ibinda shimipi Mateo Hechos librocuna nara llujshijpica ñucanchi huauquipanicunaca portugués shimipi Traducción del Nuevo Mundo Bibliatami utilizan carca. Ibinda shimipi traducishpa ayudaj shuj traductorca cashnami nin: “Bibliapa huaquin versocunataca cutin cutinmi liishcani pero cunanmi ñucanchi shimipi traducishca caimandami fácil intindita ushani. Traducishpa ayudanaca shuj jatun bendicionmi cashca. Ashtahuanmi ñuca fe shinlliyashca”.

Chokwe ibinda shimicunapi llujshishca librocuna ñucanchi huauquipanicunata Jehovaman ashtahuan quimirichun ayudanataca seguromi capanchi (Santiago 4:8).