16 de enero de 2021 punllata, shuj grabashca programapica Traducción del Nuevo Mundo Biblia umbundu shimipi llujshishcatami villarca. Angola llactapi umbundu shimita parlaj tucuilla congregaciongunami chai programataca ricuita usharca. Angola llactamanda Comité de Sucursalpi sirvij Genésio Verdiano shuti huauquimi cai mushuj Biblia llujshishcata villarca.

Angola llactapica umbundu shimitami gentecunaca ashtahuanbachaca parlan. Chai shimitaca más o menos 7 millón gentecunami parlan. Paicunapuramandaca, 6 mil 500 yalicunami testigo de Jehovacuna can.

Cai Bibliata traducingapaca ishcai equipocunami picha huatacunata trabajarca. Cada equipopica 6 traductorcunami tiarca. Shuj traductorca nircami: “Cai Bibliaca intindirinallami can. Chaimi gentecunataca ninanda ayudanga. Cai Bibliahuanga, Diospa Shimipi ima nijta gentecunaman ashtahuan facilmi yachachita usharinga” nishpa.

Comité de Sucursalpi sirvij shuj huauquipash nircami: “Gentecuna paicunapa propio shimipi Bibliata liishpaca, chaipi tiashca yachachishcacunataca ashtahuan aligutami intindita ushapan. Chaica ciertopachami can. Jehová Dios paimanda ashtahuan gentecuna yachajuchun umbundu idiomapi paipa Shimita imashina utilizashcata ricushpaca ninandami cushijushun” nishpa (2 Tesalonicenses 3:1).