13 de enero de 2024​pimi Cuerpo Gobernantemanda sirvij huauqui Jeffrey Winderca Traducción del Nuevo Mundo de las Escrituras Griegas Cristianasta chokue shimipi ricuchirca. Chaimi Angola llactamanda Betelpi shuj especial tandanajuita rurarca. Chai programamanga 187 huauquipanicunami rirca y 353.427 huauquipanicunaca internetpimi conectarishpa ricurca. Chaipi tandanajushca 1.644 huauquipanicunamandaca chokue shimita parlajcunami carca. Chai tandanajuipi cashca ashtacacunaca imprimishca Bibliata chasquirca shinallata internetpipash descargaita ushana carca.

Angola, la República Democrática del Congo y Zambia llactapica más o menos tres millones gentecunami chokue idiomapi parlan. Cunanbica Angola llactapimi 462 huauquipanicunami chokue shimita parlaj 10 congregaciongunapi sirvinajun. Shinallata República Democrática del Congo llactapimi 734 huauquipanicuna cai shimita parlaj 21 congregaciongunapi sirvinajun.

Cai tandanajuipi discursota cuj huauqui Jeffrey Winderca Traducción del Nuevo Mundo de las Escrituras Griegas Cristianaspica 237 vecesmi Taita Diospa shuti Jehovata churashca nircami. Shuj huauquiguca: “Romanos 10:13​pi ‘Jehová Diosta, shutipi mañajcunaca tucuicunami salvai tucunga’ ninmi. Shinapash chokue shimipi huaquin traducciongunaca cai nishcacunata na cabalta intindichin. Chaimi Escrituras Griegas Cristianasta utilizashpa imamanda salvaringapaj Jehová shutita utilizana cashcata gentegucuna intindichun ayudangapami munapani. Chaica valishcapacha regalomi can” ninmi.

Traducción del Nuevo Mundo de las Escrituras Griegas Cristianas chokue shimipi ashtaca gentegucuna Jehová Diosta rijsichun Taita Diosta tucui shunguhuan, tucui yuyaihuan, tucui ushaihuan juyachun ayudanataca seguromi capanchi (Marcos 12:33).