12 de agosto de 2022​pi Jesús villachishca ali villaicuna nishca videopa primera partetaca ñami grabashpa tucuchishca. Cutin segunda parte videotaca más o menos octubre de 2022​pimi grabashpa tucuchinga.

Jesuspa causaimanda videotaca 20 de mayo de 2022​tami grabashpa callarirca. Shinapash chai ratoca shuj huasita tucuchingapaj información y canllapi imashina quidana cashcata yachangapaj informacionbash faltarcarami. Cai informaciongunataca 15 de juliotaca ñami charircanchi. Australasia sucursalpa Departamento de Construccionga, grabangapaj huasicunata tucuchishpami Equipo Regional de Videopi sirvij huauquicunamanga entregarca. Cai huasicunaca Jesuspa causaimanda videocunata grabangapaca listomi can.

Punda tiempopi imashna cashcashnallatami tucui igual carca. Y chaicunataca 7 mil metros cuadrado (75.347 pies cuadrados) alpapillami rurashca carca. Chai huasicunata rurangapaca Australia y Nueva Zelanda llactamanda 500 huauquipanicunami ayudarca. Comité de Construccionbi sirvij Russell Grygorcewicz huauquica cashnami nin: “Aunque problemacunata charishpapash Jehová Dios chai problemacunata alichingapaj ayudashcatami cuenta japipashcanchi. Jehová Diospa espíritu tucuita rurangapaj ayudashcataca seguro capanchi”.

Comité de Enseñanzapi sirvij Ronald Curzan huauquica primera parteta grabajurasca casi tucui tiempomi chaipi ayudajurca. Huauqui Ronaldca cashnami nirca: “Construccionmanda huauquipanicuna y Betelpi sirvij huauquipanicunahuan shujllashna ayudarishpa trabajajta ricunatami ashtahuan gushtashcani. Ashtaca huatacunatami grabangapaj pushtucunata rurangapaj planificashcanchi shinapash cunan grabangapaj pushtucunata charishpaca ninandami cushijupanchi. Shinallata chai llactapi causaj huauquipanicunapa ayudata chasquishcamandapashmi ninanda cushijupanchi. Jesuspa causaimanda y yachachishcacunamanda videocunaca mundo enteropi gentecunata ayudanataca seguromi capanchi”.

Cuerpo Gobernantepi sirvij Kenneth Cook huauquica primer videota tucuchina ultimo punllacunapica chaipimi carca. Huauqui Kennethca cashnami nin: “Jehová cai proyectocunapi ayudajushcataca seguromi capanchi. Jehová Diostapash cai construccionbi ayudashca huauquipanicunatapash ninandami agradicipanchi. Shinallata videota grabangapaj participashca huauquipanicunatapashmi agradicipanchi. Tucuicuna cai videocunata ricushpa ashtahuan Jesusta rijsichun y Jehovapa amigo tucuchunbashmi Jehová Diosta mañapanchi”.