29 de mayo de 2022​pimi Benín llactapi tiaj Comité de Sucursalpi sirvij Sylvain Bois huauquica, fon idiomapi La Biblia: las Buenas Noticias según Mateo nishca libroca ñami llujshishca nishpa villarca. Cai programata ricungapaca 7 mil publicadorcuna y Bibliamanda yachajunajuj ashtaca gentecunami mediante Internetpi ricungapaj tandanajurca. Chai programapica en formato digitalpimi librotaca ricuchirca. Shinallata chai traducishca librotaca diciembre del 2023​pimi imprimishpa llujchinga nishpa villarca.

Fon idiomapi traducishca Bibliacuna tiajpipash, chai Bibliacunapica Taita Diospa shutitaca na churashcachu can. Chai jahuapash na ali, exacto traducishcachu can. Shinallata chai Bibliacunaca yapa caromi can y huaquin comerciantecunapash testigo de Jehovacunamanga na jatungapaj munashcachu.

Mateo libropa mushuj traducishcaca alipacha exacto traducishcami can. Por ejemplo, Mateo 10:28​pica cashnami nin: “Cangunata huañuchi ushashpapash, cangunapa causaita na tucuchi ushajcunataca na manllanachu canguichi”. Y cai textopa notapi alma nishca palabramanda explicashpaca cashnami nin cutin causana esperanzata na quichui ushajcunataca” nijunmi. Cai libroca ashtaca ayudacunatami charin. Por ejemplo, Taita Diosmanda yachajungapaj munaj gentecunata ayudachunmi publicadorcunataca ninanda ayudaita ushan.

Benín llactapi Comité de Sucursalpi sirvij Palle Bjerre huauquica cashnami nin: “Ñucanchi publicaciongunapica casi siempremi Mateo librota ricuchun mandan. Chaimandami chai libropa traduccionda charinaca alipacha canga. Porque shinami Bibliamanda gentegucunaman cabalta yachachita usharinga. Cai traducishca libromandami Jehová Diosta y cai librota traducishcacunataca ninanda agradicipanchi”.

Fon nishca idiomata parlaj huauquipanicunata y shuj gentegucunatapash Taita Diospaman ashtahuan quimirichun, Mateo libropa traducción ninanda ayudanataca seguromi capanchi (Mateo 5:3).