24 de octubre de 2021​tami, Bolivia llactamanda Comité de Sucursalpi sirvij Douglas Little huauquica, quechua boliviano shimipi Traducción del Nuevo Mundo Biblia llujshishca nishpa villarca. Cai Bibliaca tabletpi celularpi llujshishca nishpami shuj grabashca programapi yalichirca. Chai programataca Bolivia llactamanda 4.000 yali gentecunami internetpi ricuita usharca. Abril de 2022​pami imprimishca Biblia llujshichun shuyanchi.

Shuj shuj pushtucunapica quechua boliviano shimica shuj shuj significadotami charin. Chaimi Traducción del Nuevo Mundo Bibliapica chai shimicuna shuj pushtucunapi imata ningapaj munashcataca shuj notapi churashca.

1880 huatamandapachami quechua boliviano Bibliaca tiashca pero huaquin traducciongunapica Diospa shuti Jehovataca shuj notapimi churashca o “Taita Dios” nishpapashmi churashca. Shuj traductorca nircami: “Taita Diospa shuti Jehovahuan shuj Bibliata charimandami ninanda cushijuni”.

Bibliata traducina horashmi traductor huauquipanicunaca ashtaca llaquicunata charirca. Por ejemplo huaquin huauquipanicunaca ungushca o nanashca familiatami cuidana carca. Ashtahuangarin COVID-19 unguimandapashmi Bibliata traducinaca ashaguta pararca. Shuj traductorca cashnami nirca: “Jehovapa ayudahuanmi Bibliata traducinataca uchalla tucuchi usharcanchi”.

Traducción del Nuevo Mundo Bibliami quechua boliviano shimita parlaj tucui gentecunataca ‘quishpirichun, na llullashpa villajuj Shimitapash yachajuchun’ ayudanga (1 Timoteo 2:4).