3 de abril de 2021​tami, Camboyano shimipica Traducción del Nuevo Mundo Bibliataca imprimishcapi, celularpi, tabletpipash llujshirca nishpami villarca. Chai grabashca programataca Internetta utilizashpami tucui Camboyano shimita parlaj congregaciongunapi, uchilla grupocunapipash ricurca. Japón llactapa Comité de Sucursalpi a sirvij Kenji Chichii huauquimi Bibliataca ñami charinchi nishpa villarca.

Más o menos 16 millones gentecunami Camboyano shimitaca parlan. Shinallata 1.100 yali testigo de Jehovacunami Camboyano shimipi villachin.

Japón llactapa Comité de Sucursalpi sirvij Masahiro Harada huauquica cashnami nirca: “Cai mushuj Bibliaca Taita Dios juyaj, llaquij, considerado cashcata ashtahuan intindichunmi huauquipanicunataca ayudanga. Shinallata Bibliamanda yachajungapaj munaj gentecuna Jehová Diosman ashtahuan quimirichun, paitalla adorachun ayudanataca seguromi canchi”.

Cai Bibliata llujchingapaca ishcai grupomi, chuscu huatacunata traducishpa ayudarca. Bibliata traducishpa ayudaj shuj panigumi nirca: “Cai mushuj Bibliaca cunanbi parlashca shimicunatami charin. Chaimi imatapash liishpaca jaicata intindini. Salmos 139:17​pi shimicunaca: ‘Taita Dioslla cambaj jatun juyaica ñucapaca juyaillagupachamari’ ninmi. Cai shimicunata intindishpaca ninandami cushijuni”.

Shinallata shuj traductor huauquigupashmi cashna nin: “Cai mushuj Bibliata huauquipanicuna liishpaca Jehová Diospa ladopi ashtahuan cashcashnami sintiringa. Sololla sintirijushpa Bibliata liishpaca, Jehová Dios paicunata juyajtami ashtahuan intindinga. Llaquicunapi cashpa paicunata Jehová Dios cuidajushcataca ashtahuan seguromi canga. Shinallata llaquicunapi cajpica cai Bibliami paicuna tranquilo, cushilla sintirichunga ayudanga”.

Camboyano shimipi llujshishca Bibliami, ashtaca gentecunata Jehová Diosta ashtahuan rijsichun ayudanga. Jehová Diosta rijsishpami gentecunaca “ninan punchapambagumi cangui” nishpa ninanda alicachinajunga (Apocalipsis 4:11).