Domingo 26 de marzo de 2023​taca shuj alipacha asambleami Cali, Colombiapi tiarca. Por primera vezmi españolpi asambleataca guambiano y emberá chamí idiomacunaman chai rato traducirca. Chai asambleamanga más de 1.600 gentecunami rishcarca. Chai gentecunapurapica 48cunami guambiano idiomata parlajcuna carca y 78cunami emberá chamí idiomata parlajcuna carca.

Colombiapica 21.000 yali gentecunami guambiano idiomata parlan. Cutin 77.000 yali gentecunaca emberá chamí idiomatami parlan. Cunangamanga chai rato traducinajushcata uyachingapaj aparatocunaca Colombiapi Salón de Asambleacunapica na tiarcachu. Chaimi chai idiomacunata parlajcunaca aunque español shimita na aliguta intindi ushashpapash español shimipi asambleacunaman rin carca.

Chai asamblea tianata yachashcandimi ashtaca runa gentecunaca chai asambleaman ringapaj culquiguta tandachi callarirca. Familia Carrascoca 8purami can y caru carupimi causan. Salón de Asambleaman chayangapaca 3 horasta chaquilla rishpa y shuj busta japishpami 12 horasta rina can. Caru caruta rina cashpapash paicunaca na desanimarircachu. Huaquin quillacuna faltajpillatami paicunaca huaquin artesaniacunata rurashpa jatunajurca y ahorranajurca. Emberá chamí idiomata parlajcunaca ishcaipurami chai asambleapica bautizarirca. Shujca familia Carrascomanda 12 añosta charij Henry shuti huambragumi carca. Shinallata guambiano idiomata parlaj ishcai huauquicunami bautizarirca.

Adrianin Morales panigumi guambiano idiomaman chai rato traducijurca. Paica nircami: “Ñuca idiomapillata asambleata uyanaca alipachami carca. Tucuilla turiñañagucuna paicunapa idiomapillata Jehová Diosmanda uyanajujta ricushpaca ninandami cushijurcani” ninmi.

Diomedes Velasco huauquipashmi guambiano idiomaman chai rato traducijurca. Paica nircami: “Traducinami cangui nijta uyashpaca ninandami manllanayahuarca. Pero, runa gentecunamanda Jehová Dios imacunatalla rurajujta ricushpaca, ashtahuan ali y seguro sintirishpami traduci usharcani. Shina ayudanaca ñucapaca shuj jatun bendicionmi carca” ninmi.

“Shamuichi, Mandaj Diospaj urcuman vichai rishunchi” nishpa tucui idiomacunamanda gentecuna ninajujta uyanaca alipachami can (Isaías 2:3).