18 de agosto de 2023 huatapi, Maicao (La Guajira, Colombia) llactapica, Comité de Sucursal de Colombiamanda huauqui Giacomo Maffeica, ‘Pacienciata charinami capanguichi’ Asamblea Regionalpica Traducción del Nuevo Mundo de las Escrituras Griegas Cristianas Bibliami wayúunaiki idiomapi llujshishca nishpa villarca. Cai tandajuiman shamushca 265 gentecunami cai traducciondaca formato digitalpi descargarca. Imprimishca Bibliacunataca 2024 huata callarijpimi congregaciongunaca chasqui callaringa.

Wayúunaiki idiomataca 700 mil yali gentecunami parlan. Paicunataca wayúu nishpapashmi rijsin. Colombia llactapa departamento de La Guajirapi, Venezuela llactapi estado Zulia nishca pushtupipashmi causan. Testigo de Jehovacunaca 1998 huatapimi cai idiomapica publicaciongunataca traduci callarirca. La Guajira, Riohacha nishca llactapimi shuj Oficina Remota de Traducción tian. Colombia y Venezuela llactacunapica, más o menos 445 publicadorcunami wayúunaiki idiomata parlaj 17 congregaciogunapi, 4 grupopi sirvin.

Traducción del Nuevo Mundo de las Escrituras Griegas Cristianas Bibliamanda agradicishpami shuj huauquica cashna nirca: “Wayúunaiki idiomapi cabaltapacha yachachij Bibliata charinaca, ñucanchi Jehová Diosmanda shuj jatun regalomi can” nishpa. Shuj huauquipash cashnami nirca: “Cai Bibliaca Jehová Diosta gentecuna ashtahuan rijsichun, paiman ashtahuan quimirichunmi ayudanga” nircami.

Cai Bibliaca wayúunaiki idiomata parlaj huauquicunataca ninandami ayudanga. Shinallata ashtaca gentecunami Taita Diosmanda yachajushpa cushijunga (Mateo 5:3).