18 de marzo de 2023​taca, Riohacha Colombia llactapimi, wayúunaiki shimiman traducij shuj mushuj Oficina Remota de Traduccionda inagurarca. Chai shimitaca Colombia y Venezuela llactacunapi causaj casi 700.000 runa gentecunami parlan.

Pundaca Oficina de Traduccionga shuj uchilla huasicunapimi carca. Chaipi traductorcunaca trabajashpandi chaipillata causaitaca na usharcachu. Arrendashca ishcai huasicunami carca. Chaipica luzpash, internetpash, señalpash cada ratomi rin carca. Chaimandami Colombia llactamanda sucursalca shuj ali pushtupi 6 huasicunata randirca. Chai huasicunatami viviendacuna y oficinacunapash cachun arreglarca. Cunanga traduccionbi trabajaj huauquipanicuna chaipillata trabajachun y chaipillata causachunbash lugarlla, alipachami can. Cai proyectota rurai callarichunga octubre de 2022​pimi aprobarca y enero de 2023​pimi tucuchirca.

Departamento Local de Diseño y Construccionbi sirvij huauqui Juan Felipe Rodriguezca, chai mushuj oficinamanda parlashpaca nircami: “Cai mushuj Oficina de Traduccionga shuj mushuj cabina de grabaciondami charin. Traductorcuna tandanajushpa pacta trabajachunbashmi shuj pushtuta charin. Shinallata shuj ali internettapashmi charin y luz rijpipash ama imatapash afectachunmi shuj generador eléctrico tian” nircami.

Huata 1998​mandami wayúunaiki shimipica traducinajun. Cunan punllacunapica 14 testigo huauquipanicunami cai idiomaman traducishpa ayudanajun. Cai idiomapica 20 congregaciongunami tian y casi 400 testigocunami can.

Santiago 4:8​pica: “Taita Diosmanmi quimirina capanguichi” ninmi. Jehovapa organización cai shimicunata pactachingapaj tucuilla idiomacunapi gentecunata ayudanajujta ricushpaca ninandami cushijupanchi.