Corea del Sur llactapi, 23 de abril de 2023 huatapica shuj especial tandanajuipimi La Biblia: el libro de Mateo en lengua de señas china shimipi llujshirca. Bibliapa cai libromi por primera vez señas shimipi llujshin. Cai tandanajuimanga casi 200 gentecunami rirca. Paicunaca Corea del Sur llactapi lengua de señas china shimita parlaj ishcai congregaciongunamandami carca. Cai traducciondaca jw.org paginamanda, JW Library Sign Language aplicacionbipashmi ña descargai usharin.

Traductorcunaca Bibliamanda cai librotaca intindirinalla shimicunapi traducingapami esforzarirca. Shuj traductorca cashnami nirca: “Cada equipo de traduccionbimi quimsa traductorcunamandaca ishcaica sordocuna can. Sordo gentecuna imashina pensajta aliguta intindingapaca, cutin cutinmi parlarin carcanchi. Chaita ruranami fácil traducichun ayudarca” nin.

Shuj traductorpash nircami: “Cai proyectopi ayudanami Jesús cai Alpapi cashpa imashina sintirishcata, imata rurashcata ashtahuan ali intindichun ayudahuarca” nin.

Cai tandanajuiman shamushca shuj sordo huauquipash nircami: “Cai Biblia nara llujshijpica, lengua de señas china shimipica huaquin versiculocunallami tiarca. Chaimandami ñucapaca huaquin piezacunahuan shuj rompecabezas enterota armachun churashca cuenda carca. Cunanga, Mateo librota ña charishcamandami rompecabezaspa tucuilla piezacunata charishca cuendami can. Cushijushcapachami cani” nin.

Shuj testigo sordopash nircami: “Jehová Diosca paipa organizacionda utilizashpami lengua de señas china shimipi publicaciongunata llujchin. Cunanga Mateo librotami charinchi. Tucui caicunata ricushpami sordo gentecunata Jehová Dios ayudangapaj munashcata, ninanda juyashcata cuenta japini” nin.

Cai Biblia llujshishcamandaca Jehová Diostaca ninandami agradicinchi. Cai Bibliaca, ñucanchi huauquipanicuna ‘Taita Diospa espíritu santo ayudachun saquishpa y Taita Diosmanda cabal yachachishcacunata chasquishpa adorashpa’ catichunmi ayudanga (Juan 4:24).