7 de enero de 2024 huatapi Costa de Marfil llactapi Comité de Sucursalpi sirvij huauqui Jules Bazieca shuj especial tandanajuipimi yacouba shimipi, La Biblia: Las Buenas Noticias según Mateo nishca librota presentarca. Chai programa especialmanga 302 personacunami chaipi carca. Shinallata 257 personacunaca internetpi conectarishpami ricuita usharca. Shinallata cai tandanajuipi cashcacunaca chai ratomi cai publicaciondaca uyangapaj y liingapami celularpi descargaita usharca. Cai publicacionga ñallami imprimishca llujshinga.

Costa de Marfil, Guinea y Liberia llactacunapica más o menos un millón y medio yacouba shimita parlaj gentecuna tian. Cunan punllacunapica Costa de Marfil llactapica 254 huauquipanicunami yacouba shimita parlaj chuscu congregaciongunata y seis uchilla grupocunapashmi apoyanajun.

Yacouba shimipi Bibliataca na completo traducishca charinllu, Escrituras Griegas Cristianasmanda ishcai versiongunallami tian. Shinapash cai versiongunapica Taita Diospa shutica na tianllu. Ishcandi Bibliacunallatami na intindirinalla shimicunapi traducishca can. Chaimi Mateo libromanda mushuj traducishca intindirinalla cashcamanda gentecunaca liinataca ninanda gushtan. Shuj huauquiguca: “Punda traducishca Bibliataca cutin cutin liishpami intindin carcanchi. Shinapash cunanga Mateo librota liishpaca aligutami intindi ushanchi” nircami.

Yacouba shimipi Mateo librota charishcamandami Jehová Diosta ninanda agradicipanchi. Cai libroca ashtacacunatami ayudanga ‘Taita Diospa Gobiernotara, pundapi churashpa catichun’ (Mateo 6:33).