Eritrea llactamanda gobiernoca ashtaca huatacunatami Testigocunataca huarmicuna cajpi o mayorllacuna cajpipash prezo churashca. Nimapash documentota na presentashpata, ni juezpash na senteciajpitami prezo churashca. Testigocunataca paicunapa religionda charimanda o na yachashca razongunamanda culpashpami carcelpi churashca. Eritrea llactapi Afewerki shuti presidenteca 25 de octubre de 1994 shuj leyta llujchishpami, Testigocunapa ciudadaniata charina derechotaca quichurca. Año 1993pimi, independizaringapaj, cuartelman rinamanda tapungapaj shuj consulta popularta chai llactapica rurarca. Chai consultapica na participarcachu nishpami Testigocunataca ciudadaniata charina derechota quichurca. Cuartelman rina nara obligatorio cajpica, Eritrea llactapi autoridadcunaca servicio civil alternativo nishcata rurachunmi saquin carca. Ashtaca Testigocunami shuj shuj gobiernocuna mandajushca tiempopica, cuartelman na rishpa servicio civil alternativo nishcata ruran carca. Chaimi autoridadcunaca “Certificado de Cumplimiento del Servicio Nacional” nishcata cun carca. Tauca viajemi Testigocunataca chaipi aliguta participashcamanda agradicin carca. Shinapash, 1994pimi chai llactapi presidenteca Testigo canata renunciachun nishpa Testigocunataca prezo japichun y ninanda macachunbash autoridadcunaca mandarca.

Cunanbica 40 Testigocunami prezo can. 28ca jaricuna, cutin 12ca huarmigucunami can. 4 de diciembre de 2020tami, 26 Testigo jaricuna y 2 Testigo huarmigucuna carcelmanda llujshirca. Paicunataca paicunapa crishcacunamandami entre 5 a 26 añosta prezo cacharca. 29 de enero de 2021tami, 12 añosta carcelpi cashca shuj huauquigupash libre llujshirca. Cutin 1 de febrero de 2021taca quimsa Testigocunapashmi libre llujchirca. Ishcai huarmigu y shuj jarimi libre llujshirca. Paicunaca entre 4 y 9 añostami carcelpi cashcarca.

Eritrea llacta carcelcunapica, 4 testigo de Jehovacunami huañushca. Quimsa mayorlla huauquigucunapashmi libre llujshishca jipalla, carcelpi ninanda maltratai tucushcamandaca huañurca.

Año 2018pica, Habtemichael Tesfamariam shuti testigo de Jehovata y Habtemichael Mekonen shuti testigo de Jehovatami Mai Serwa carcelman cacharca. Chai carcelpimi paicunaca huañurca. Habtemichael Tesfamariam huauquica, 76 añosta charishpami 3 de enero de 2018ta huañurca. Cutin Habtemichael Mekonen huauquica, 77 añosta charishpami 6 de marzo de 2028ta huañurca. Autoridadcunaca año 2008pimi paicunataca imapash cargocuna na tiajpita prezo churarca.

Año 2011 y 2012pica, Meitir pushtupi prezo cashpa ninanda maltratai tucuimandami ishcai Testigocuna huañurca. Julio de 2011tami Misghina Gebretinsae shuti huauquica 62 añosta charishpa huañurca. Paitaca castigashpami “subterráneo” nishcaman cacharca. Chaipimi ushashca calorhuan na ushashpa huañurca. Yohannes Haile huauquica 16 de agosto de 2012tami huañurca. Paica 68 añosta charishpa, chuscu huatacunata llaquinaita prezo cashpami huañurca. Shinallata, Kahsai Mekonnen, Goitom Gebrekristos y Tsehaye Tesfariam shuti quimsa mayorlla huauquicunapashmi libre llujshishca jipalla huañurca. Chai quimsa huauquicunaca Meitir pushtupi llaquinaita prezo causashcamandami huañurca.

Derechos humanos leycunataca Eritrea llactaca na cazunllu. Derechos humanosta difindij principal organizaciongunapash, Eritrea llactapi derechos humanoscunata na valichishcata ricushpami cai situaciondaca corriginami canguichi nirca.

2014 huatapica, Eritrea llactapica derechos humanoscunata na respetajunllu nishpami relator especialca, Consejo de Derechos Humanos de la ONUman shuj informeta cacharca. Chai informepica “shuj llactacunahuan de acuerdo quidashca leycunata” catishpami, paicunapa concienciapi ali cashcata rurangapaj munajcunapa derechocunataca respetashpa “tucuilla prezocuna imapash ama pasachun” seguridadta cuna canguichi nishpami mandarca. Shinallata, Eritrea llactamanda gobiernotaca shuj llactacunahuan de acuerdo quidashca leycunata catishpami, “carcelcunataca mejorana canguichi y prezocunatapash alimi tratana canguichi” nishpa mandarca. “Ashtahuanbachaca doctorcuna atindichun minishtijuj prezocunataca tratamientocunata catichun saquinami canguichi” nishpami mandarca. Año 2015pica, shuj resolucionbica ONUpa Consejo de Derechos Humanosca “gentecunapa concienciapi ali cashcata rurachun saquingapami leyta llujchina canguichi” nishpa mandarca.

Año 2016pica, Eritrea llactapi derechos humanosta investigacionda rurajcunaca nircami, testigo de Jehovacunata, shuj grupocunataca shuj religionda charimanda o shuj cultura cashcamandallami autoridadcunaca llaquinaita tratashca nirca.

Año 2017pica, Comité Africano de Expertos sobre los Derechos y el Bienestar del Niñoca, “testigo de Jehovacunapa huahuacunata na ali tratashcamandami preocupado canchi” nirca. Testigo de Jehovacunapa huahuacunaca leycunamandaca na beneficiarinllu. Shinallata chai comiteca nircami, Eritrea llactaca “tucui huahuacunapa libertad de pensamiento, conciencia y religiondami respetana can” nirca.

Año 2018pica, Comisión Africana de Derechos Humanos y de los Pueblosca nircami, Eritrea llactaca “testigo prezocunapa y shuj prezocunapa derechocunata respetangapami imatapash uchalla rurana canguichi” nirca. Shinallata chai comisionga Eritrea llactataca nircami, prezo cashpa huañushca Testigocunapa casocunata investiganami canguichi, “paicunapa derecho de ciudadaniatapash respetanami canguichi” nircami.

Mayo de 2019pica, ONUpa Comité de Derechos Humanosca Eritrea llactataca nircami, paicunapa religionda charimanda prezo churashca gentecunata y Testigocunataca paicunapa religionda y creenciata charichunmi saquina canguichi nirca. Ashtahuanbash cai comiteca Eritrea llactataca nircami, “paicunapa concienciapi ali sintirinamanda cuartelman na rishpa, shuj servicio civil alternativota rurana derechotami cuna canguichi” nishpami mañarca.

12 de mayo de 2021pimi, ONUpa Relator Especialca Eritrea llactataca nirca, “paicunapa crishcacunamanda juiciota na catishpallata prezo churai tucushca 20 Testigocunata y shuj prezocunatapash cai ratomi libre saquina canguichi. Y shuj religionda charimanda Testigocunapa ciudadaniata quichuna leytapash cutinmi revisana canguichi. Shinallata Comisión Africana de Derechos Humanos y de los Pueblos nishcashnaca, testigo de Jehovacunapa ciudadaniata charina derechotaca respetanami canguichi. Prezo churajpi huañushca Testigocunapa casocunatapash investiganami cangui” nircami.

Mayoría jari Testigocunaca unai unaipami sentenciai tucushca. Libre llujshina esperanzataca na charinllu. Solo huañujpilla o ña huañugrijpillami carcelmanda libre llujshichunga saquin. Chai llactapica libre quidana leyca na tianllu. Chaimandami prezo churashcacunaca cadena perpetua sentenciata chasquinshna can.

1. 16 de septiembre de 2024

   40 Testigocunami carcelpi can.

2. 1 de febrero de 2021

   3 Testigocunatami libre saquin.

3. 29 de enero de 2021

   Shuj Testigotami libre saquin.

4. 4 de diciembre de 2020

   Prezo cashca 28 Testigocunatami libre saquin.

5. 6 de marzo de 2018

   Habtemichael Mekonenca Mai Serwa carcelman yalichishca jipallami 77 huatacunata charishpa huañurca.

6. 3 de enero de 2018

   Habtemichael Tesfamariamca Mai Serwa carcelman yalichishca jipallami 76 huatacunata charishpa huañurca.

7. Julio de 2017

   Meitir nishca pushtupi cashca tucuilla Testigocunataca Asmara llacta canllaman Mai Serwa carcelmanmi cacharca.

8. 25 de julio de 2014

   14 de abrilpi prezo churashcacunaca casi tucuicunami libre quidarca. Shinapash 27 de abrilpi prezo japishcacunataca todaviami carcelpi charinajunra.

9. 27 de abril de 2014

   Reunionbi Bibliata estudianajuj 31 Testigocunatami prezo aparca.

10. 14 de abril de 2014

    Jesús Huañushcata Yarina Conmemoración punllapica más de 90 Testigocunatami prezo aparca.

11. 16 de agosto de 2012

    Yohannes Haileca llaquinaita prezo cashpami 68 huatacunata charishpa huañurca.

12. Julio de 2011

    Misghina Gebretinsaeca llaquinaita prezo cashpami 62 huatacunata charishpa huañurca.

13. 28 de junio de 2009

    Shuj Testigo de Jehovapa huasipi Bibliamanda yachajunajujpi, huasiman yaicushpa revisashpami 23 Testigocunata prezo aparca. Paicunaca de 2 a 80 huatacunatami charirca.

14. 28 de abril de 2009

    Comisariacunapi prezo cashca tucuilla Testigocunatami Meitir carcelman aparca.

15. 8 de julio de 2008

    Autoridadcunaca Testigocunapa huasicunaman, trabajo pushtucunaman yaicushpami tucuita revisashpa 24 Testigocunata prezo aparca. Mayoriami paicunapa familiata mantiningapaj trabajanajurca.

16. Mayo de 2002

    Eritrea llactapica 4 religiongunatallami aprobashca. Chaishuj religiongunataca tucuillatami prohibishca.

17. 25 de octubre de 1994

    Gobiernoca Testigocuna ciudadaniata ama charichunmi shuj leyta llujchirca. Chaimi Testigocunaca minishtirishca derechocunataca ñana chari usharca.

18. 17 de septiembre de 1994

    Paulos Eyasu, Isaac Mogos y Negede Teklemariamca na imapash juicio, na imapash sentencia tiajpitami paicunataca carcelpi churarca.

19. 1950 huatacuna

    Eritrea llactapica huaquin Testigo grupocunami formari callarirca.