25 de septiembre de 2021​pica Cuerpo Gobernantepi sirvij huauqui Geoffrey Jacksonmi hmong shimipi La Biblia: el Evangelio según Mateo librota presentarca. Cai reunionmanga shuj shuj llactacunamanda 2.500 gentecunami conectarirca.

Traducción del Nuevo Mundo de las Santas Escrituras Bibliamandaca Mateo librotami por primera vez hmong shimimanga traducishca. Cai shimitaca 3,9 millón gentecunami parlan. a Hmong shimita parlaj gentecunaca animismopi o tucui cosascunapi shuj espíritu tiashcatami crin. Shinallata brujocunapi o chamanismopimi crin.

Huata 1970​pica hmong shimita parlaj ashtaca gentecunami paicunapa llactamanda pacajushpa Tailandia llactapi ayudata mascangapaj rirca. Shinallata tiempohuanga huaquingunaca shuj llactacunaman y mayoriaca Estados Unidos llactamanmi pacajushpa rirca.

Cunanbica Californiapi, Minnesotapi y Wisconsin llactacunapimi hmong shimita parlaj ashtaca gentecunaca tian. Huata 2007​pimi testigo de Jehovacunaca hmong shimiman publicaciongunata traduci callarirca. Y huata 2012​pica Sacramento (California) llactapimi shuj Oficina Remota de Traduccionda rurarca.

Mateo librota traducingapaca, traductorcunaca quimsa quillatami pararca y 5 llactacunamanda hmong shimita parlaj huauquipanicunami chai traducishcata revisashpa ayudarca.

Huata 1950​camanga hmong shimita imashina escribina cashcataca na yacharinllu carca porque chai shimitaca parlaitallami parlan. Chaimandami traductorcunapaca chai shimipi imashina escribinata na yachaimanda chai shimiman traducinaca difícil carca.

1980cunapica hmong shimipica huaquin Bibliacunaca ñami tiarca. Pero valishca valishcacunami carca. Chaimandami huaquingunalla randi usharca. Chai jahuapash chai Bibliacunapica pandacunatapashmi yachachijurca. Chaimandami huaquingunaca chai Bibliacunata liishpapash na intindishpallata quidan carca. Por ejemplo, shuj Bibliapica Diospa shuti Jehovata churanapa randica hmong gentecunapa rijsishca shuj gentepa shutitarami churashcarca.

Shuj traductorca nircami: “Paicunapa Bibliapi Diospa shuti Jehová cashcata ricushpaca, cunansi gentecunaca Jehovapa amigocuna tucuita ushangami. Tucui ñucanchi mañaicunatami Jehová Diosca contestashca” nircami.

Mateo librota revisashpa ayudashca shuj huauquica cushijushpami cashna nirca: “Alipacha traducishca cashcamandami Mateo librota liijushpaca ñucapash chaipi cashcashna sintirircani. Cai librota liijushpaca ninandapachami cushijurcani” nircami.

Cai traduccionga Jehová Dios tucui gentecuna paimanda yachajuchun munashcatami ricuchin (Hechos 10:34, 35).