Pandemia del COVID-19 tiashcamandami marzo del 2020​mandaca ñana asamblea regionalcunataca en persona chariparcanchi. Cai huataca “Pacienciata charinami capanguichi” nishca más de 6 mil asamblea regionalcunatami mundo enteropi más de 500 idiomacunapi charigripanchi. En persona rishpa primera asambleataca 12 de mayo al 14 de mayo del 2023​tami chariparcanchi.

Más de 1.800 personacunami Nueva York, Estados Unidospi Testigo de Jehovacunapa Newburgh Salón de Asambleapi tandanajurca. Chai asambleaman rishca panigu Khrystine Torresca nircami: “Asamblea callaripi parlajuj turiguca ‘ali shamushca capaichi’ nircami. Shina nijpica, tucuicunami shinllita maquita huactanajurca. Por fin asambleapi cai ushashcamandaca tucuicunami ninandapacha cushijushca caparcanchi”. Huauqui Duane Smithpash nircami: “Tucuicunami ninanda cushijushcacunapacha carcanchi. Alipacha amigocunashnami parlanajurcanchi”.

Jessica Dolcemascolo shuti paniguca pandemia tiempopimi bautizarirca. Paica nunca na asambleamanga en persona rishcarcachu. Asambleaman rishpaca paica cashnami nirca: “Chaipica tucuicunami ninanda cushijushca carcanchi. Unaita carupi cashca jipa ali amigocunata por fin ricushcashnami sintircanchi”. 18 añosta charij Noemi Tinajero paniguca cai huatallami bautizarirca. Paica nircami: “Asambleapica familiacuna y amigocuna cushilla cajtami ricupanchi. Ña paraíso alpagupi canshnami sintirircani”.

Ashtacacunami asambleapa temataca ninanda alicachishpa parlanajurca. Sam Huh shuti huauquica nircami: “Taucacunapaca pacienciata charinaca dificilmi can. Chaimandami Jehová Diospa ejemplota catishpa pacienciata charinata yachajunaca ñucapaca alipacha carca”. Panigu Frenchie Smithca nircami: “Cai asambleapimi, pacienciata charinaca ñucapa tucui causaipi ayudajta yachajurcani. Cai asambleapi temacunaca alipachami can”.

Nueva York, Newburgh llactapi primera asambleaman rishca huauquipanicunaca ninandami animarirca. Ñucanchicunapash y mundo enteropi shuj huauquipanicunapashmi, shamuj quillacunapi Bibliamanda alipacha temacunata asambleapi yachajungapaca ansia shuyanajupanchi (Salmo 122:1).