Cai último huatacunapica Haití llactamanda ñucanchi huauquipanicunaca ashtaca huelgacunamanda, protestacunamanda y Nali gentecunapa ruraicunamandapashmi afectai tucunajushca. 2 de marzo de 2024 huatapica armacunahuan gentecunami cai llactapa importante pushtucunata y edificiocunata atacarca. Chai horamandapachami Haití llactapa Puerto Príncipe nishca capitalpica llaquicuna y peligrocunapash ashtahuan mirashca. Chaimandami chai llactapa Gobiernoca toque de quedata callarichirca. Shinallata estado de emergenciapipashmi canchi nircapashmi. Informecunapica ashtaca gentecuna huañushcata y 15 mil gentecunaca Haití llactapa segurolla pushtuman pacajungapaj rishcatami ricuchin.

• Ñucanchi huauquipanicunamandaca ni shuj na chugrishcaca quidarcachu y huañuitapash nipi na huañurcachu.

• 113 huauquipanicunami pacajushpa rina tucushca.

• Ishcai huasicunami tucuchi tucushca quidarca.

• Picha familiacunami shuacunapa culpa tucui charishcaguta pirdirca.

• Ni shuj Salón del Reino na imapash pasarcachu.

• Sucursalpa territoriocunapi llaqui apashca huauquipanicunata ayudangapaca chuscu Comitecunami tian.

• Chai llactapa superintendente de circuitocuna y ancianocunapash huelgacunamanda, protestacunapa culpamanda llaqui apashca huauquipanicunataca Bibliahuanmi consolanajushca. Shinallata shuj llactaman pacajushpa rishca huauquipanicunatapashmi ayudanajushca. Ashtahuanbash ima minishtirishcaguta charichunbashmi ayudanajushca.

Haití llactamanda huauquipanicuna cai llaquicunata aguantai ushachunmi mundo enteromanda tucui huauquipanicunallata Jehová Dios mañanajupashcanchi. Paicunaman ali yachaita y tranquilo ali causaiguta carapangui nishpami mañanajupanchi. Llaqui apashca huauquipanicunashnallatami ‘casilla ali causaita’ carasha nishca Jehovapa cai promesa uchalla pactarichun munapanchi (Salmo 72:7).