27 de junio de 2021 punllataca Traducción del Nuevo Mundo Biblia tamil shimipi, alfabeto latino nishca letracunahuan llujshishcatami villarca. Cai programataca Internetpimi yalichirca. 16 shuj shuj llactacunapi causaj huauquipanicunami cai programataca ricurca.

• Mundo enteropica más o menos 85 millón gentecunami tamil shimitaca parlan

• 20 mil 500 yali publicadorcunami tamil shimita parlaj 334 congregaciongunapi, 32 grupocunapica sirvin

• Cai proyectota pactachingapaca, 5 traductorcunami 6 quillacunata trabajarca

Tamil shimipi utilizashca letracunahuan Traducción del Nuevo Mundo Bibliaca septiembre de 2016 quillapimi llujshirca. Chai Bibliaca tamil shimita parlaj congregaciongunapi, grupocunapi sirvijcunapaca shuj jatun bendicionmi cashca. Shinapash tamil shimita parlaj huaquin gentecunaca, chai letracunataca na facillla liita ushapanllu. Paicunaca alfabeto latino nishca letracunahuan escribishcata liinatami ashtahuan gushtan.

Bibliata yachajunamanda parlashpa shuj traductora paniguca nircami: “Tamil shimipi utilizashca letracunata liinaca, ñucapaca shinllimi carca. Chaimandami inglés shimipi Bibliata ricushpandi yachajuna tucurcani. Cai mushuj Bibliaca ninandami ayudahuanga” nishpa.

Cai Biblia ashtaca huauquipanicunata Diospa Shimita ‘yarijushpa’ liichun ayudanatami seguro capanchi. Shinallata cai Bibliata paicunapa causaipi, predicacionbi utilizashpa cushilla sintirinata, gentecunata aliguta ayudanatapash seguromi capanchi (Josué 1:8).