28 de noviembre de 2020​tami, Cuerpo Gobernantepi sirvijuj huauqui Geoffrey Jacksonga, ñami Traducción del Nuevo Mundo de las Santas Escrituras Bibliata imprimishcapipash y aparato electrónico nishcacunapipash ricungapaj Indonesia llactapa chuscu runa shimicunapi charinchi nishpa villarca. Chai shimicunaca, batako karo, batako toba, javanés, nias shimicunami can. Chai chuscu shimicunapi Bibliacuna llujshishcataca shuj programa especialpimi huauqui Jacksonga villarca. Chai grabashca programataca, Indonesiapi tauca islacunapi tucui congregaciongunami ricurca. Casi 41.265 gentecunami conectarishpa ricurca. Shinallata, chai programapica, sundanés shimipi Traducción del Nuevo de las Escrituras Griegas Cristianas Bibliataca ñallami aparato electrónico nishcacunapi ricui ushashun nishpami huauqui Jacksonga villarca.

Chai Bibliacunata traducingapaca, quimsa huata chaupi yalitami traductorcunaca shinllita trabajarca. Casi 100 millón gentecunami mushuj chuscu Bibliacuna llujshishca shimicunamandaca shujllatapash parlan. Shinallata, 2.600 publicadorcunami villachingapaj llujshishpapash, tandanajuicunapipash chai shimicunapi parlan.

Cunan punllacunapi chai shimicunapi parlaj gentecunaca, pundacuna imashina escribijtaca na lii ushanllu. Ni pundacuna tiashca Bibliacunapi shimicunatapash na ali intindi ushanllu. Shuj traductorca ninmi: “Traducción del Nuevo Mundo de las Santas Escrituras Bibliata gentecuna intindi ushanalla, lii ushanallatami can. Cai Bibliata ricushpami cuenta japini, Jehová Diosca gentecuna paicunapa shunguman chayaj idiomapi, shinallata ñapash intindi ushanalla idiomapi paipa shimita uyachun munashcata”.

Indonesia llactapi Comité de Sucursalpi sirvijuj Daniel Purnomo shuti huauquica ninmi: “Cunanbica, COVID-19 nishca unguimandami ashtahuanbachaca llaqui tiempocunapimi causanajupashcanchi. Pero chai idiomacunata parlaj huauquipanicunaca, minishtijuj tiempopipacha chai regalota chasquishpami ninanda agradicin”.

Ashtaca ashtaca gentecunapash paipa shimi Bibliata charichun, cai Bibliacunata Jehová Dios carashcamandaca, tucui shunguhuanmi paitaca agradicipanchi. Cai runa shimicunata parlaj shuj ashtaca gentecunapash Biblia imata yachachijta paicunapash yachajuchunmi ñucanchica munapanchi (Santiago 1:17).